【生仔大計】與老公撐枱腳慶祝結婚5周年 吳若希落閘決不再生:結紮咗先

育兒經 15:51 2022/10/12

分享:

分享:

吳若希與老公飲白酒又豪歎鮑魚來慶祝結婚5周年。

吳若希(Jinny)和老公何兆鴻(Alex)於2017年結婚,婚後育有5歲大女Giselle和11個月細仔Kylian,湊成一個「好」字的Jinny,已打算封肚不再生,前日(10日)是兩人結婚5周年,她從內地工作完趕返香港同老公慶祝,並在Instagram放閃,上載與老公二人世界撐枱腳的甜蜜合照,獲好友留言贈慶「今晚係時候大戰一場,何生有心有力」,她鬼馬地回應:「結紮咗先啦!」

最新影片推介:

早前,吳若希與陳展鵬、洪永城、吳業坤返內地拍攝新劇《香港人在北京》,在寧波及北京逗留了超過3個月,日前返抵香港為劇集埋尾,更可在雙十節同老公Alex到中環食飯撐枱腳,又飲白酒又豪歎鮑魚來慶祝結婚5周年,她事後上載兩人合照上Instagram,雖然Jinny只簡單寫上「第五年」三隻字去形容這個周年紀念,但照片中的兩人都笑得非常甜蜜。

貼文一出,Jinny獲陳煒、陳山聰、袁偉豪、張寶兒、戴祖儀、莊思敏等好友及網民留言祝賀,但好友麥美恩就鬼馬留言「恭喜晒!係時候生多隻,何生有心有力」,Jinny即反問「生完係咪你領養?」,麥美恩不介意做養母直指「改姓麥嘅,我OK」,有友人更留言著她今晚大戰一場,「咁耐冇見趁今晚係時候大戰一場,何生有心有力啊」,但Jinny即落閘表示「結紮咗先!」

其實早在今年2月,Jinny子女的契爺、堪輿學家陳定幫睇流年及風水,指肖猴的她今年沖太歲,師傅亦指她又有天喜星出現,她忍不住大叫:「No!唔好呀!」陳定幫笑言Jinny好生養可以有好多仔女,睇佢自己鍾唔鍾意。而Jinny也抗拒再生,笑說:「搞唔掂,唔好搞我……要向朋友眾籌給老公到醫院做結紮手術」,陳定幫即笑說:「叫老公紮咗去,應吓血光之災!」

    點擊圖片放大
    +6
    +5

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳