【小一面試】細仔連踩3間小學面試攰到瞓 Bob嫂透露面試貼士要識兩樣嘢

育兒經 12:58 2022/10/13

分享:

分享:

原來去面試會考呢兩樣嘢!

又到小一面試的時候!一眾家長為之緊張,連星爸星媽都不例外,與太太Pearl(黃乙頤)育有3女1子的Bob(林盛斌),細仔(林道申)明年升小,即使家姐已經在官津名校就讀,有世襲分可入,Pearl仍然想仔仔多嘗試面試幾間學校,吸收更多經驗!

最新影片推介:

日前Pearl將仔仔1日連踩3間學校面試的短片放上網,見林道申穿上恤衫襯牛仔褲,剪有一頭齊蔭髮型相當可愛,從短片所見,道申拿住自己的文件進入第一間面試的學校,回頭望媽咪鏡頭時,還舉起V字手勢,看來信心十足!去到第二間學校時,道申眼睛開始有少少疲態,然後媽咪跟他就坐的士去第三間學校,道申開始愈來愈累,因為太陽太曬更用口罩遮眼,到排隊入去面試,更是木無表情。完成3間學校面試後,坐的士回家,道申已經超級攰,在的士上睡著了!

為仔仔報讀面試班:一生人都要面試

Pearl接受TOPick記者訪問時,透露仔仔當日連踩3間學校包括傳統名校、直資學校及私立小學,問到她有沒有心儀那一間,或仔仔喜歡那一間學校,她只說以平常心面對:

我其實只係話俾仔仔知去面試,睇吓鍾唔鍾意間學校,同埋鍾唔鍾意同老師玩,所以談不上有冇信心或者佢心儀邊間,因為呢啲我都冇話俾佢知,我只係話俾佢知讀書嘅機會係好難得,所以一定要去試!

Pearl坦言事前有為仔仔報讀面試訓練班,希望做好準備:

因為我覺得面試嘅訓練係一世人嘅,畢竟一生人都要面試。

至於如果3間學校都面試不成功,Pearl就坦言仔仔會隨家姐入讀她的小學,雖然是官津但都是區內的名校。Pearl强調心目中的理想小學就是近屋企、校風純樸、冇乜功課壓力,她跟Bob的心情都是平常心,不算好緊張。

Bob嫂生4個唔簡單。

面試內容要識兩樣嘢

問到仔仔有沒有透露面試的內容?Pearl則笑言:「呢三間學校嘅面試內容都冇辦法知道,淨係知道佢需要寫自己個名,同埋要畫畫!連畫乜嘢都話唔到俾我聽。」

    點擊圖片放大
    +15
    +14

 

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

記者:陳麗薇