【開心無敵獎門人】林敏驄遭懲罰狂吞辣壽桃 馮盈盈啜波萌樣超搶

娛樂 13:25 2022/10/16

分享:

分享:

林敏驄現身《開心無敵獎門人》。

TVB遊戲節目《開心無敵獎門人》在今晚(10月16日)播出的嘉賓有「下流上車族隊」林敏驄、江美儀、羅毓儀(Yuki)、郭柏妍、黃嘉雯(Carmaney)及鄧智堅,及「後生仔傾吓偈隊」陸浩明(六號)、馮盈盈、黃婧靈(波波)、杜穎珊、林正峰及徐文浩。

數到歷年《獎門人》經典場面,怎少得「常客」林敏驄玩「馬拉松」。這集「開心無敵馬拉松」經典再現,阿驄發揮一貫無厘頭本色,除答題節奏「慢三拍」,接題答案更平均長達20至50字。眼見阿驄又跩又得戚,獎門人隨即著他再講一次,究竟阿驄能否像當年般將答案倒背如流?

及後阿驄再於「開心無敵彈遮遮」環節,演繹水蛇膥(音:春)咁長經典句子「蘇格蘭場非工業用國際線路…」,即時開心回憶返晒嚟。

美儀姐表示「頂唔順」阿驄。

阿驄不跟遊戲規則

全程不是搞搞震、就是狀況外的阿驄,扯完獎門人假髮又亂按空氣喇叭嚇人,在「開心無敵我最勁」中更亂搬龍門,話說由於阿驄要與波波對戰,獎門人為免頭痕事前千叮萬囑阿驄「唔好周圍望」;對戰期間,阿驄除唔跟遊戲規則亂咁嗌,連輸兩鋪的他又賴皮示意遊戲其實尚未正式開始,搞到獎門人都冇晒符。

雖然出盡「賴皮」招數,但阿驄最終仍難逃食「辣辣壽桃包」命運,更遭勒令連吞3件,其間阿驄欲將咬剩的麻辣壽桃包硬塞給江美儀,美儀姐除了成功避過一劫,更不忘「語帶雙關」反擊阿驄:「其實我平時真係好少頂你啲嘢,我頂你唔順架咋。」

盈盈玩得十分投入。

盈盈投入玩遊戲

至於「開心無敵啜乒乓」則繼續有新紮小花落力參與,有「吸力最強」波波、嘴嘟嘟Carmaney、斯文代表郭柏妍及伸脷童顏Yuki。

至於盈盈則為吸波不惜放下港姐冠軍包袱,Standby時已紮行馬表情多多,之後正式埋位又落力撐大雙眼、鼻窿及嘴巴,狀甚可愛及搞笑!之後「開心無敵拍蛋蛋」,馮盈盈仲玩到戙腳上枱,相當豪邁。

最新影片推介:宋熙年專訪

撰文 : TOPick柴犬出動