【網民熱話】醉酒情侶搭的士落錯車後打司機再報警 的哥拒收5000元和解費

社會 22:42 2022/10/16

分享:

分享:

常說的士司機最怕接載醉酒人士,有的士司機指,日前凌晨接載一對情侶去富安花園,但當中疑發生誤會,聲稱導致被人打及報警。不過亦有網民「錯重點」,笑指的士司機表達能力差劣。

有網民於網上群組「的士司機資訊網 Taxi」表示,其朋友凌晨3時半接載一對情侶到富安花園,經過大老山隧道去到「小瀝源」燈位後,情侶要求停車但不作解釋,「我老友以為中途落一個,咁再去目的地」。

該網民指,直到去到沙田醫院的時候,女方才表示男方下車只是去廁所,「以為你兜一個圈車翻佢。重(仲)咩再去富安,你梗係回去車翻佢,啲電話銀包喺我度。」

網民的朋友聽言後便駕車回頭尋找,卻不見男方,女方又聲稱要報警,最後不了了之,然後的士司機再載女方到富安花園。

豈料到達屋苑閘囗,男方突然衝出「二話不說,即時打咗我老友,男的說....你害我行咁多路翻(返)富安,打人之後仲話要報警,自己唔啱重惡人先告狀。」而警員來到後,男方又稱要和解,「仲陪(賠)5000蚊俾我老友和解,之後我老友話討回一個公道,唔接受和解。」

該網民質疑情侶,「飲大兩杯,自己落車小便又唔講聲話去廁所,我老友以為你落車就算,你對情侶當時咩都無講,打人係要付出沈重代價。你以為的士司機好蝦。」

貼文一出,網民關注的不是事件,反而是出文者的表達能力,「樓主你呢段野,文法又錯,燈位地點都應該係錯。真係睇得好辛苦」、「開頭睇得明,之後中段唔知講乜」、「不如叫番你老友再講一次啦, 大家會明白多D」。

亦有人質疑出文者「作故仔」,「話說出大老山之後唔係應該經石門直入亞公角街?好地地點會係小瀝源停燈」、「你又喺度玩X吹?佢小瀝源燈口落,要行返去,你部的士同佢一樣時間速度返到去?」

HKETAPP健康台更多都市疾病影片:https://bit.ly/3cNFwr7

hketApp已全面升級,TOPick為大家推出一系列親子、健康、娛樂、港聞及休閒生活資訊及Video。立即下載:https://bit.ly/34FTtW9