【樓下有人】古巨基欣賞葉巧琳邀合唱 Mischa完美唱功震驚基仔

娛樂 17:10 2022/10/17

分享:

分享:

古巨基重唱當年作品。

古巨基《I Really Love To Sing》音樂企劃第三回,請來出道八年、兩年前參加《全民造星III》備受關注的葉巧琳(Mischa)合唱《樓下有人》。

這次合作曲目由基仔挑選,基仔親解當中原因:「首歌係蔡健雅24年前寫的作品,好記得當年聽demo時,唱得好soft好溫柔、好鬆。今次Project我好想翻唱呢隻歌,就諗合唱版女仔聲會係點?後來諗到Mischa。」

他謂知道Mischa是學古典聲樂,曾唱opera。「我聽過Mischa一啲作品係比較大鳴大放,今次我想試吓搵出一種好鬆、好soft嘅聲線。能夠搵到心儀嘅一把聲去做呢首歌,我覺得係好開心。」

葉巧琳親演MV。

Mischa亦表示十分開心:「因為以往自己好少會用呢把聲音去唱歌,聽番出嚟都幾正喎,同古sir把聲音好夾。」

回想錄音過程,基仔大呼驚喜。因為Mischa到舒文的錄音室試key當日,基仔並不在場,後來一日他到舒文錄音室時,基仔聽到Mischa試key音軌,即驚為天人!「吓!錄好咗嗱?試key都唱到咁好嘅!」

Mischa亦坦言驚喜:「第二次上去,我以為要由頭再錄過,原來唔係,只係補少少嘢、補啲adlib位。」

唱作歌手力臻擔任,廣告界新星郭思則合演MV。

正式錄音日,基仔謂既然已經有一些唱得很好的在手,提議Mischa 自然地全首唱兩、三take,看看有沒有更多驚喜,結果現在最後成品就是來自這隨意的兩、三take!「呢首歌變咗男女合唱,完全唱出嗰種男女愛情嘅曖昧感,Magic!」

MV方面,男主角由唱作歌手力臻擔任,廣告界新星郭思則飾演少女Mischa,Mischa表示:「個MV係講長大後嘅我回顧以前曾經錯過咗一段冇發展過嘅感情。我諗好多人都可能會經歷過。」

基仔的角色則是唱片公司高層:「角色其實時空上同Mischa係冇交接,因為喺戲裏面,我係一間唱片公司總經理,嚟到呢個歌廳,見到力殝同埋細個嘅Mischa。」

最新影片:宋熙年訪問

撰文 : TOPick柴犬出動