【超能使者】陳展鵬拍「自主Fast Forward」 唐詩詠從演以來最辛苦:情緒起伏好大

娛樂 16:26 2022/10/20

分享:

分享:

《超能使者》將接棒《美麗戰場》於10月31日首播。

TVB台慶劇《超能使者》將接棒《美麗戰場》於10月31日(星期一)起播映,演員陣容包括陳展鵬、唐詩詠、陳山聰、劉穎鏇、林子善、沈震軒、王君馨、劉佩玥、歐瑞偉、張國強、吳家樂、楊卓娜、伍樂怡等。

與監製文偉鴻(Jazz)第四度合作視帝陳展鵬,今次迎來全新挑戰,皆因《超能》講述一眾主角如何組成「正義聯盟」,並以超能力對抗邪惡勢力的故事,到底有哪幾位主角擁有超能力、及劇組如何呈現不同的超能力自然是焦點所在。

日前官方先後釋出「故事大綱」及「人物介紹」預告片,除了有大量電腦特效(CG)及緊張刺激的動作場面,還披露了陳展鵬飾演的「骨精年」鍾孝年及唐詩詠飾演的「電視城Q姨」喬若嵐分別擁有「停頓時間」及「治癒奇能」的超能力,唐詩詠展現異能時,頭髮及雙眼更會齊齊變「紅」,相當吸睛;陳展鵬則以久違的「市井」Style演繹「骨精年」,貪錢得嚟相當搞笑,甚有新鮮感。

唐詩詠使用異能時,頭髮及雙眼會變「紅」。

如何打造「停頓世界」?

為加強真實感,是次Jazz摒棄全CG後製,不惜工本以實拍為主,並以電腦動畫輔助,令前期拍攝及後期Workload倍增,最終耗時15個月完成後期製作,更用了逾1,800個CG鏡頭,足見《超能》製作認真。

Jazz又率先拆解主角穿梭「時間停頓空間」之謎,除了要靠高速攝影機進行拍攝,還需演員們「自主Fast Forward(快鏡)」予以配合,令影片調回「正常速度」後才更自然:「我哋以高速攝影機捕捉演員嘅慢動作去展現『靜止』狀態,而要喺Freeze世界裏面遊走嘅詩詠同埋展鵬,無論動作或者對白都要用2至4倍速度去做,所以個個拍嘅時候都好搲頭。其實演員同幕後都花咗好多時間排練,實拍時先有咁完美嘅效果。」

    點擊圖片放大
    +8
    +7

視帝視后拍到攰

提到首度嘗試「自主Fast Forward」,陳展鵬認為開心好玩又極具挑戰性,比拍武打戲更見攰,加上要極速做出連串動作,又要配合對手、攝影師及推車軌,以達到同步完成目標,所需「體力」及「腦力」絕唔嘢小。

他回憶說:「要令畫面調回正常速度後效果自然,表情動作都唔可以太肉緊、唔可以眨咁多眼。最難係有時拍近鏡,講嘢大聲啲都會吹郁對手啲頭髮,所以要大聲得嚟唔噴氣。同啲物件擦身而過時唔可以郁到佢,要走到無風無聲咁,因為聲音會引起好輕微嘅震動,所以每次拍完都要一齊睇吓有冇嘢郁,唔係誇張,真係好考功夫。」

至於唐詩詠則笑指監製「搞著台前幕後」,她笑言:「除咗加速講嘢,仲要夾番個樣,今次演戲要配合CG同埋好多其他嘢,每日都好似學緊新技能咁。」

雖然是次「實肉」打鬥戲份較少,但唐詩詠指《超能》是其從演以來拍得最辛苦劇集:「每日開工個情緒起伏好大,拍完呢套我好攰,我簡直係耗盡咗200分精力同體力去做,拍完成個人虛脫咁滯。」

最新影片推介:宋熙年專訪

撰文 : TOPick柴犬出動