【#她和她的戀愛小動作】ANSONBEAN吳家忻齊騷唱功 指林千渟夠癲喪適合做室友

娛樂 14:13 2022/10/21

分享:

分享:

陳毅燊與吳家忻。

劇集《#她和她的戀愛小動作》男女主角陳毅燊(ANSONBEAN)、吳家忻(Kayan9896)在昨晚(10月20日)出席「Viu Chit Chat」線上見面會,跟網民互動分享拍攝點滴,又首度Live獻唱主題曲《作動小愛戀》,令人聽出耳油!

《#她和她的戀愛小動作》今午便有第5集上架,吳家忻透露獲不少身邊朋友捧場收看,成功勾起他們追劇的衝動,而ANSONBEAN則笑言被朋友認為劇中角色「Jason」根本就是為他度身訂造:「因為Jason戇直性格係有啲似現實中嘅我!」在旁的家忻十分同意表示:「未拍之前覺得唔似,拍完之後就發覺真係好似,你應該會成日有啲唔覺意嘅小動作會激嬲女朋友。」

兩人席間重溫精彩情節,劇情講述超愛芫荽的Hayley(吳家忻飾)和Jason(ANSONBEAN飾)在家中與室友Ling(林千渟飾)打邊爐時,Jason無問Ling意見就直接將芫荽放入爐中,令不喜歡芫荽的Ling超嬲。原來現實中的家忻是「反芫荽怪」:「我是極度討厭芫荽,如果有朋友好似Jason咁,已經會絕交。」

林千渟癲喪啱做室友

相反,ANSONBEAN在劇中就完成了兩項成就解鎖,首先是食芫荽,「我唔係特別鍾意芫荽,拍完之後已經接受到,不過都怕食完個口會有陣芫荽味。」至於另一個「成就」就是說話溫柔了,「我學識咗講嘢要溫柔啲,因為拍攝前圍讀時我係做唔到。」

吳家忻和ANSONBEAN被網民問到會揀選哪位圈中人做室友時大感苦惱,家忻結果選擇了張蔓莎(Sabrina)和林千渟:「因為林千渟其實好玩得,可能大家會覺得佢外表比較斯文,其實係同我一樣好癲喪。如果揀阿莎(Sabrina),就因為佢每朝都會沖咖啡同埋屋企執得好乾淨。」

至於ANSONBEAN就揀在劇中合作的岑珈其做室友:「因為佢溝通能力好好,有好多好有趣嘅話題同大家傾,可以學到好多嘢。」

最新影片推介:

撰文 : TOPick柴犬出動