【姊妹們的國際市場】嘉盈自豪胸大令網民討厭 自揭實際欠自信:覺得自己好cheap【多圖】

娛樂 14:36 2022/10/24

分享:

分享:

嘉盈都會自卑?

「熊仔頭」FHProductionHK成員王嘉盈(Kaying)因豐滿上圍迷倒不少男粉絲,近日她亮相ViuTV真人騷《姊妹們的國際市場》令其人氣急升。

不過嘉盈在節目中的性感打扮以及金句就令觀眾不太受落,甚至引起反感,直斥「冇文化」、「冇智慧」、「好嘈好煩」等等,但嘉盈有解釋指只是節目效果,並自爆曾因性感形象而感到自卑。

【姊妹們的國際市場】恃身材火辣作交友賣點 YouTuber嘉盈一句說話焫㷫港女【多圖】

最新影片推介:關楓馨專訪

因形象性感而發生拍攝不快事

日前在YouTube頻道上載一條以嘉盈作為主角的影片,嘉盈憶起曾經因為形象性感,而導致不愉快的事:「當時我拍廣告,我係第一次開口話『呢一個廣告可唔可以唔出』,我差啲喊出嚟,我睇過劇本,本身寫得好地地,你都知一個cam擺到好遠,但係可以zoom近,最後出嚟個result就係不停影我嘅事業線,所有嘅配樂同節奏我真係覺得我自己好似⋯⋯」

此事令嘉盈非常傷心,覺得原來大家的焦點永遠只放在其身材上:「覺得自己好cheap之外,有樣嘢好唔開心就係原來你畀錢我買廣告,我個價值就係喺呢度,原來你係為咗我呢對嘢呀,其實我可以唔使呢對嘢,都可以畀到好好嘅Drama效果。」

不過嘉盈認為自己遇到上述事情都是咎由自取,亦全因自己於出道初期喜歡以性感形象示人。

拍攝不快事。

自爆初出道冇自信

她被熊仔頭問到是否打算用造型博取版面時,嘉盈指自己出道時毫無自信又沒有優點:「後來多人識咗,喺條街登下登下,觀眾認到我係好尷尬。」

嘉盈續指現時不在拍攝的時候,打扮較以往有所改變:「依家出街我會着晒褸同埋我發現咗香港好少女仔着得咁性感。」又指自己現時已經不如以往性感,因為她發現自己除了性感以外,還有其他價值。

因出身感自卑。

因出身感自卑  會努力做好自己

至於「熊仔頭」再提到嘉盈在幕前最痛的一件事,就是被指上不到大台面,嘉盈聞言後表情馬上僵硬,「熊仔頭」馬上補充說道:「你每次一講呢啲成個人嘅Energy就低番好多。」

雖然嘉盈強顏歡笑否應,不過再表示:「我認呀,好似好高級嘅Event,你冇可能會有個咁市井嘅人係度。」有此想法,全因她的想法源於自己形象性感,公屋出身又沒有讀過大學而導致。

自爆初出道冇自信。

另外,最近嘉盈因為節目《姊妹們的國際市場》而遭到不少網民批評,但「熊仔頭」大讚對方表現好,無論在幕前還是幕後都算多人喜歡,而嘉盈認為自己收到合作商的錢,就一定會保證作品的質素:「唔係話條片一定好好睇,你要我做到張曼玉咁嘅演技一定唔得,但我作為一個YouTuber會盡力。」

隨後嘉盈自知遭網民討厭:「現實世界有一班人睇我唔起、睇我唔到、討厭我嘅人都有。」但她自認好勝心強會努力做好:「我淨係知道我有一日要威度你上網就會見到我。我一定要做到你覺得我得為止。」

    點擊圖片放大
    +10
    +9

言論令網民討厭

至於早前嘉盈在《姊妹們的國際市場》節目中,因Kiva(黎振曦)沒有留意李昭南(Mishy),而被嘉盈覺得奇怪並說:「你唔係鍾意身材好咩?」

Kiva則回應:「我唔係鍾意呢啲身材好,佢太多啦。」當嘉盈追問到:「你唔鍾意好大個波嘅?」對方馬上做出嫌棄的表情,而嘉盈笑言:「吓,咁我唔啱你,講笑。」

被嘉盈感奇怪。

Kiva表示當日Mishy出場時:「我根本望唔到佢對眼。」嘉盈馬上表示:「咁咪即係係咁望囉,又話唔鍾意,又話望唔到對眼,又望人哋個胸,你個偽君子!」

不過Kiva此番言論觸怒不少網民,並留言:「更加顯得佢波大無腦」。

    點擊圖片放大
    +6
    +5

嘉盈急道歉

及後,嘉盈隨即在ViuTV Facebook帳號下道歉,表示節目上的回應是節目效果:「其實我私底下嘅作品(YouTube影片)講過,我知自己唔係一個好靚嘅女仔,亦都係一個好矮嘅女仔,所以我好努力打扮。加上一啲個人經歷,所以變咗我會放大呢樣嘢講,測試男仔嘅反應,希望大家唔好誤會,不過始終都係我自己講出嚟,我明白我唔啱,令到大家唔舒服對唔住。」

她再續指與Kiva在鏡頭後有過一段很深層的對話,令其很難忘:「我明白電視真人騷同埋YouTube片好唔同,我以後一定會拿捏得更加好,非常對唔住。」

hket App儲積分換獎賞︰https://bit.ly/3ClEy1R

撰文 : TOPick柴犬出動