【勇者鬥惡言】揮真劍雪地打鬥連場 葉巧琳打到傷痕纍纍

娛樂 16:37 2022/10/25

分享:

分享:

葉巧琳(Mischa)新唱《勇者鬥惡言》。

歌手葉巧琳(Mischa)以遊戲世界《The Odyssey of Freya》作主題的音樂Project ,在上回以《人間英靈》作序曲,歌頌迎難而上的Fighting Spirit,今回《勇者鬥惡言》集中講述高中生欺凌事件,MV中Mischa親身上陣打鬥連場,為高中生揮走怨恨。
 
打RPG Game當然要過五關斬六將,來能過關「升呢」,這次《勇者鬥惡言》就是高中生的「升呢」故事。高中生Eris在學校受到欺凌,Mischa在《The Odyssey of Freya》中作為鎮守英靈殿的女神Freya,於是召喚Eris到虛擬世界,一同破解困局。

【樓下有人】古巨基欣賞葉巧琳邀合唱 Mischa完美唱功震驚基仔

最新影片推介:關楓馨專訪

打鬥場面

Mischa說:「藉著呢個故仔,我哋想探討現實世界裡面,好多人都做緊一啲自己認為啱,又或者相信嘅事情,但卻承受不同人嘅批評、攻擊甚至欺凌,我好希望可以透過呢首歌,鼓勵大家攞出勇氣,堅守自己信念。在高中生的故事裡,最大的勇氣就是原諒、寬恕,以德報怨,因為若以報復的心態還擊,這只會變成一個循環,世上只會愈來愈多Haters。」
 
來到虛擬世界,Mischa與Eris在雪地上與武士對決,以象徵擺脫心魔的過程。比起《人間英靈》,今次Mischa在MV中挑戰更多的動作場面,使出更多的招數:「我哋再次搵武術指導阿慈教我,本來想學多幾堂,但工作太忙冇時間,好彩上次學咗啲基本功仲記得,所以只係上咗一堂,就去拍MV。」

今次的故事發生在雪地上面,比起上回在暗黑的雨中作戰,很多場口都予人潔淨感覺,所以每個細節都要做得更仔細,例如武打場面就要更乾淨、俐落。

Mischa說:「今次最大困難係想將啲動作做得更細緻,因為上次《人間英靈》好多片段見我攞把刀都唔穩,好多搖晃,所以好多畫面都用唔到,所以招數上好多都變咗係雙手揸刀,同埋好多shot串連畀大家睇唔同嘅招數,可以做到緊湊啲到肉啲,我自己睇Playback就好滿意喇!」

    點擊圖片放大
    +5
    +4

拍攝困難

拍攝上另一大困難,就是場景上鋪滿銀鹽以製造雪地場景,但地面就因此變得很滑,Mischa拍第一Take動作就已經跌在地上,但她未有半點怨言,Mischa說:「跌落地時係刮肉,拍完MV兩個膝頭已經紅晒。」

另外因為今次多用真劍,十分墜手,Mischa拍完MV手臂的肌肉已見痛:「一來真劍較重,加上握劍位置會反復磨到食指下面骨位,都幾痛㗎!」

不過論最危險,還要數Mischa要用真劍擋住來勢洶洶的高中生Eris揮劍的一下,然後再拖走那一幕。

Mischa解釋道:「因為扮演武士嘅阿慈跪正喺前面,所有動作都好近佢,我真係好驚整親佢,好慶幸今次冇人受傷!」而愛美的Mischa更謂,今次因為只需瘋狂對打,不用穿保護衣吊威吔,又不用淋雨由頭濕到落腳妝都溶掉,卒之可以又靚又Slim地拍MV!

hket App儲積分換獎賞︰https://bit.ly/3ClEy1R

撰文 : TOPick柴犬出動