【全日面授】放寬小學全日制家長意見兩極 港媽撐半日面授課︰小朋友無咁大壓力

教育 17:44 2022/10/26

分享:

分享:

教育局放寬小學全日面授課條件,家長意見兩極。

教育局昨日(25日)向全港中小學發通告,放寬小學全日制的條件,全校學生完成兩劑2019冠狀病毒病疫苗的接種率達7成,可申請於12月1日恢復全日面授。不少家長都在社交媒體討論全日授課的利弊,TOPick亦訪問了多位家長,了解他們對小學全日面授的看法,家長意見兩極。

全日面授不用濃縮課程

有家長認為小學全日制猶如「託兒」,半日制下雙職父母難以照顧子女,小朋友亦有可能被父母迫上興趣班。另有意見指,現時課程濃縮在上午的課堂,老師與學生都感到吃力,寧願早日回復全日制。

黃太育有一名就讀小三的兒子,長老有時會上門幫忙照顧,但主力還是由她來照顧兒子。她獲悉有機會恢復全日制上課後,感到興奮又不免擔心。她指兒子上學後自己可以有更多私人時間,但擔心小朋友不適應全日制會覺得辛苦。現時兒子返半日後,下午上興趣班,如回復全日制後時間要再作調動,有需要可能會減少一些。黃太整體上支持全日制上課︰

希望老師唔使將課程考試濃縮,有更多時間跟進學生學習進度。

張太(女兒小三)︰

當然開心啦!終於可以回復正常,唔使將課堂谷晒喺上午,時間充裕好多,又多咗時間同同學仔溝通,回復正常社交。

李生(兒子小一,女兒小五)︰


仔女開學咁耐都未試過喺學校食飯,回復面授課佢哋可以同同學多啲交流,都係一個群體生活體驗。其實好多國家都已經回復正常……

最新影片︰

半天課小朋友壓力大減

另一方面,有家長希望可以維持小學半日制,讓小朋友下午有更多時間做功課及溫書,也有時間休息、自由活動。如果有實體課外活動,他們亦有更多時間參與,以平衡學業及生活,同時減輕學童壓力。

兩孩媽媽Fanny不贊成回復全日制,她有感剛升小的女兒在半日制下適應得不錯,上午上課,下午回家做功課,還有時間參加興趣班及玩耍,學習不會太壓迫。她表示︰

返半日幾好呀,小朋友讀得開心,唔會迫得佢哋太緊,無咁大壓力。

Fanny有一位育有3孩的家長朋友,跟她分享半日制能教上全個課程,子女成績反而比以前好,而且讀得沒那麼辛苦。她也有感教做功課、陪溫書少了勞氣,對家長及孩子身心均較健康。

至於育有一對子女的李太仍擔心疫情,其長子就讀小四,幼女就讀K3,她表示:

疫情仲咁嚴重,阿仔間學校隔日就有人中,返全日咪好危險。

李太更指,因為已為兒子安排好補習,如果恢復全日制,兒子返學回家再做功課一定做到好夜︰

依家放學食埋lunch,休息半小時再做功課,之後再補習,日日都搞到7、8點。全日制咪起碼搞到10點、11點,小朋友第二日返學邊有精神。

hket App儲積分換獎賞︰https://bit.ly/3ClEy1R

【獨家優惠】限時搶Columbia網店購物滿$2000即減$400優惠碼︰https://bit.ly/3DvaCkv

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

記者︰駱秀玲