【輪候公屋】港婦連中兩次「屯門三寶」等7年派大興邨 月租1200元一個原因拒住

親子 12:43 2022/10/27

分享:

分享:

仲有一次機會,如果又派屯門三寶咁點呢?

潮語「得公屋得天下」,但竟然有人等到公屋都唔要!有港婦在小紅書大呻輪候公屋7年,頭2次都中了「屯門三寶」(友愛邨、蝴蝶邨、大興邨),第一次獲派蝴蝶邨24.93平方米的單位,拒絕後再獲派大興邨興昌樓一個17樓高層25.36平方米的單位,月租僅1200元,但港婦因為一個原因拒絕!

最新影片推介:

港婦在小紅書發文指自己親身到大興邨視察「交通環境都很好,不過就是舊,真的沒毛病」。不過她認為最不能接受是她們三人家庭:「問題係3人…派2至3人單位…」,3人分25平方米是太小,仍決定拒絕。雖然她知道現時新樓所剩無幾,三派如何都會接受,「只不過知道有第三次機會,都會博」。

而港婦的留言得到不少網友支持,有網民指自己同樣是連中屯門三寶,質疑房署「唔信係電腦隨機派」,港婦聞言也氣上心頭,怒斥等了7年,這樣派「仲要我哋等派咁多年」、「焗住人要」。

當中許多人認為屯門三寶是下籤,抱怨接連抽中,更提到輪候時間長的人應優先派新樓,「點解咁多人都係一二派蝴蝶大興,包括我」、「我們等咗7年,真是離譜,派些蝴蝶大興給我們,應該我們等的久些給我們先派新樓嘛,真服了」網民又指屯門最近有新公屋入伙,兩田(和田邨、菁田邨)都唔多見房署派。

有網民分享自己4人家庭也是派3至4人單位,有人就「5人派4至5人單位」,「無話派舊嘢就畀大單位你,只能講房署亂嚟,愈遲申請就派正新樓,真係唔係按先後次序派囉」,「我見3人都派361呎了,仲要係新樓恆景樓,好唔公平」。

有網民解釋,公屋編配只是電腦派位,「不關人事」,最大原因是舊樓大家都不喜歡,「現在沒什麼新樓,所以會循環把一些舊樓發出來」。

據房署資料,現行公屋編配政策下,一般申請者(即家庭及長者一人申請者)獲配公屋的相對優先次序是嚴格按照公屋申請登記日期的先後次序、家庭人數及公屋選區,並配合其申請到達編配階段時的公屋資源,按既定公屋編配標準,以電腦隨機方式依次序辦理公屋編配。

帖文隨後被轉載到facebook及討論區,有網民指有公屋住已好難得,而且仲要咁平租「凡事達到感恩,會知足常樂」、「制度的漏洞。根本一早應該取消二派三派。一個選擇,要同唔要。」、「算吧,買私樓喇!」

點解下圖看網民留言:

    點擊圖片放大
    +7
    +6

【獨家優惠】限時搶Columbia網店購物滿$2000即減$400優惠碼:https://bit.ly/3DvaCkv

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳