【超能使者】劉穎鏇僅以毛巾蔽體拍打戲 Tiffany接受特訓做打女零怨言

娛樂 19:17 2022/10/30

分享:

分享:

《超能使者》

由陳展鵬、唐詩詠、陳山聰、劉穎鏇(Tiffany)、林子善、沈震軒、王君馨、劉佩玥、歐瑞偉等參演TVB台慶劇《超能使者》,接棒《美麗戰場》於明晚(31日)起播出。
 
特輯《超能使者 異能聯盟》在昨晚(10月29日)播出,當中Tiffany的出浴露背Look及僅以毛巾蔽體的打鬥戲均告曝光,Tiffany透露:「因為條毛巾著唔實,所以服裝姐姐好貼心咁用線幫我縫好。」

Tiffany再做打女

對於獲網民激讚身材Fit爆,Tiffany透露開拍前有專登跑步及控制飲食修身:「我喺呢套劇嘅身形肯定瘦過選美嗰陣!」

繼劇集《兄弟》第二度做打女的Tiffany,直指是次武術指導郭追設計的街頭式打法由於集所有Style於一身,故事前要接受出拳、擋拳及踢腿等連串特訓。

「零Pad」上陣

Tiffany坦言過程中一雙長腿為她帶來不少煩惱,皆因筋骨太硬:「最難係踢腿、起腳,為咗畫面靚啲就要隻腳伸直啲,但我啲筋唔鬆,所以都下咗好多苦功,亦拍咗好多Take,全部我都親身上陣,做得好我覺得好有成功感。」

由於保護墊難藏於小背心及熱褲,故Tiffany很多時「零Pad」上陣撞到周身瘀,但敬業的她笑言少少傷痕No problem。監製文偉鴻(Jazz)也給予Tiffany 8.5 分:「我睇到佢有團肯拚搏嘅火,所以《隱形戰隊》都繼續搵佢打。」

最新影片推介:葛綽瑤專訪

撰文 : TOPick柴犬出動