【朋輩影響】高中兒子堅拒同學誘吸大麻 鄧藹霖︰不快樂年輕人易行差踏錯

育兒經 13:54 2022/10/31

分享:

分享:

鄧藹霖指出,不快樂的年輕人會成為行差踏錯的高危人士。(《青春本我》劇照)

孩子於成長路上,有些片段是我永遠不會忘記的。

記得次子唸高中時,有天甫放學回家,立即把我拉到一角,臉上神情肅穆得像有嚴重的事情發生了。「媽,剛才喺學校門外,阿祖跑過嚟搵我。」阿祖是他的同班同學,雖然不算是天天群聚的夥伴,但他們都是頗為稔熟的。

「阿祖從褲袋攞出一枝大麻煙!」我屏住了氣息,靜靜聽他詳述。「佢問我想唔想試。」相信當刻我的眼睛已瞪得挺大了。「我話呢啲嘢試咗會上癮㗎喎,點知阿祖堅持話唔會上癮嘅。」傻瓜,所有引誘人家吸毒的人都會編說這一套,有些人是為了騙人,有些人則是騙自己呢!

最新影片︰

「咁我問佢,呢啲嘢食咗會點?」年輕人富好奇心是正常不過的事情吧,但難道這趟他真的被引誘了?「阿祖話吸咗個人會好開心嘅。」我按捺不住了︰「咁你點回答佢呀?」「我咪話,咁我唔需要食嘞,因為我個人本來已經好開心啦!」我感動得緊緊地抱着他。

感謝主!我的兒子有足夠的獨立思考能力,絲毫沒受朋輩的影響;同時,也非常慶幸我們一家人的關係良好,不然他根本不會跟媽媽談及這事。

依據這事情的邏輯推敲,不快樂的年輕人會成為行差踏錯的高危人士呢!那麼,究竟是甚麼因素令年輕人不快樂?學業壓力、朋輩欺凌、愛情困擾等,都不及跟家人不和的負面影響呀!

那個晚上臨睡前,兒子跑來抱抱我說︰「媽,你放心!我係絕對唔會做令你傷心嘅事㗎!」

原文刊登於《香港經濟日報》,標題為「我的孩子快樂嗎?

hket App儲積分換獎賞︰https://bit.ly/3ClEy1R

【獨家優惠】限時搶Columbia網店購物滿$2000即減$400優惠碼︰https://bit.ly/3DvaCkv

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

 

撰文 : 鄧藹霖