【萬聖節】星二代哈佬喂扮鬼扮馬合集 胡杏兒3子扮海洋生物洪永城囡囡「扮老豆」

育兒經 13:33 2022/11/01

分享:

分享:

昨日萬聖節,一眾藝人和星二代都悉心打扮應節,當中胡杏兒3個仔齊齊扮海洋生物。

昨日(31日)是一年一度萬聖節,一眾藝人和星二代都悉心打扮應節,扮鬼扮馬博大家一笑。今年一眾星二代都有不同主題打扮,其中胡杏兒3個仔齊齊扮海洋生物、何基佑囝囝扮學霸高材生,一定嚇倒好多小朋友!最厲害必定是洪永城囡囡,穿南瓜裝扮爸爸,最似!

最新影片推介︰

胡杏兒丈夫李乘德(Philip)在IG分享,太太為3子悉心打扮的哈佬喂造型,以海洋生物為主題,大仔Brendan扮海龜、Ryan扮章魚、細仔Liam則扮Baby Shark,眼仔睩睩表情趣怪。網民大讚3子cute爆,可能是今年萬聖節最強星二代造型。

    點擊圖片放大
    +5
    +4

同樣打扮成海洋生物的還有新手媽媽何雁詩(Stephanie),兩母子cosplay迪士尼卡通人物美人魚Ariel和龍蝦仔,年僅4個月大的囝囝Asher不知萬聖節是何物,寧願做隻「沉睡龍蝦」。至於打扮成王子Eric的鄭俊弘(Fred)就自嘲兩父子只是媽媽的配角,Stephanie笑說︰

早幾日聽到爸爸同個仔講:今年Halloween,我同你都係茄喱啡咋,媽媽先係主角,上年我都係咁㗎。

正懷有第二胎兒子的倪晨曦索性善用自己的大肚皮,與2歲仔cosplay豬八戒與悟空,應該是史上最美麗的豬八戒!另一靚媽余香凝就與1歲半囡囡齊齊做靚女巫,去玩轉主題公園哈佬喂,她感言年輕時會玩齊所有鬼屋,現在帶著囡囡只會邊睇魚邊食飯、去睇動物,「雖然玩法唔同咗,但係開心升級咗!」

何基佑大仔扮學霸去嚇同學。(IG圖片)

何基佑大仔扮學霸嚇同學

在哈佬喂靠創意都能突圍!何基佑大仔正就讀小學,索性扮一名學霸,基佑笑言他們不太想扮鬼,但造型又想有幾分驚嚇,就想出扮學霸,「夠晒驚嚇,係同學見到都驚!」

想扮鬼扮馬,都要扮得似先好笑。洪永城囡囡與爸爸有個餅印樣,索性「扮爸爸」最殺食!一家三口齊齊穿上南瓜裝,兩父女倒模一樣!媽媽梁諾妍不甘被爸爸搶鏡,自己另與囡囡cosplay成迷你兵團(Minions)去行山,沿路氹得一班姨姨叔叔好開心。

孫慧雪cosplay動漫角色「綾波麗」,盡騷美好身材。(IG圖片)

另外要特別表揚靚媽孫慧雪cosplay動漫角色「綾波麗」,盡騷美好身材,大受網民歡迎。點擊圖片即睇更多星二代造型︰

    點擊圖片放大
    +13
    +12

hket App儲積分換獎賞︰https://bit.ly/3ClEy1R

【獨家優惠】限時搶Columbia網店購物滿$2000即減$400優惠碼︰https://bit.ly/3DvaCkv

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰林綺玲