【交友App中伏】交友App被型男呃飯食呃睇戲 港女中伏公審:我豪俾乞丐啦

親子 11:59 2022/11/03

分享:

分享:

有港女在交友App遇上有型腹肌男,點知係呃飯食呃戲睇。

為跳出單身pool,不少人都會透過交友App認識異性,有人成功發展成情侶,也有不少中伏被騙,日前有港女在連登討論區出post,分享自己用交友App時,認識了一位高質的腹肌男,兩人約會食飯及睇戲,原本兩人約定女方請食飯,男方請睇戲,但最後全數$310都是由女方支付,港女追數不果,唯有在網上公審腹肌男,她怨氣大罵:「男人老狗cheap到咁好唔好意思,我豪俾乞丐啦!」

最新影片推介:

該名港女日前在連登討論區出post,主題是「男人老狗交友app約女出街呃飯食呃戲睇 好唔好意思」,她表示於10月初在交友App識了個男仔,約見面食飯及睇戲,餐飯吃了140元,大家協議好「一人請一樣」,女方請食飯,男方請睇戲,當去到戲院時,腹肌男表示沒有信用卡,港女先替她碌卡碌了170元戲飛錢,

佢同我講佢得200蚊,問我有冇30蚊找俾佢,我話我冇現金喺身,叫佢PayMe俾番我,佢同我講喺街用唔到payme要返屋企先 。

港女回家後,沒有提起過此事,亦打算不再見他,那少少錢不跟他計較。不過早兩日,她和朋友說起這件事,她愈諗愈嬲,於是向腹肌男追債,她表示他們從來沒有講過要約下次見面,他一直都話回家便PayMe戲飛錢給她,但最後都沒有做,港女嬲爆地說:「唔知佢所講嘅下次見面係唔係記錯咗第二條女啦!好啦!佢咁想見我咪叫佢而家出嚟還錢,既然出唔倒嚟既就PayMe……」

仍在求學的腹肌男,指自己的戲飛是60元的學生飛,何來要170元,港女更加㷫,連珠炮轟「佢張學生飛60,我張成人飛110,加埋咪170,加數都唔識?咁咩叫一人請一樣?餐飯都係我俾架,唔係佢話一人請一樣,我會請佢食飯?」

腹肌男反問港女是否洗凸了,再次辣㷫港女,港女先以粗口炮轟他,「男人老狗cheap到咁好唔好意思,你份工專呃飯食呃戲睇?今日個2餐飯又呃咗幾錢?60蚊我豪俾乞丐啦!170蚊我都當豪俾狗」

港女續指,講真是萬7元的話,呃她錢唔還,她覺得情有可原,但飯錢加戲飛錢都係300多元,「做乞丐都唔會搵唔到啦?有冇窮成咁?」之後港女有朋友因睇唔過眼,竟用自己ig direct腹肌男,恥笑他「冇錢俾學人溝女,百七蚊都俾唔起,你咁X厚面皮真係應得嘅,憑你本事呃返嚟」,而腹肌男自信地答「通常啲女追我多,你咪係其中一個自願請我」!

貼文一出,即引起連登仔熱議,各有各支持者,有網民指如果男女調轉,呢個po仲開唔開得成,「男女掉番轉實俾人XX死」,「咁X老學人溝後生仔,仲好意思收返錢,調返轉係個30歲男人問個16歲收錢俾人XX咗」,也有網民指,樓主貪靚仔而中伏,「抵死啦!同高大靚仔出街就係咁,同毒X出街iphone都送俾你,7head」、「通常呢啲仔先食最多女,仲要爆房買套錢都女俾埋」。

點擊下圖,睇更多留言

    點擊圖片放大
    +10
    +9

 

hket App儲積分換獎賞︰https://bit.ly/3ClEy1R

【名師試題教室】睇片連工作紙 中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳