【遇人不淑】遇恐怖情人分手後屢被滋擾 港女焦慮失眠哭訴需食精神科藥

健康 17:54 2022/11/04

分享:

分享:

遇恐怖情人分手後港女屢被滋擾致致焦慮失眠,哭訴要求診精神科食藥。

遇到恐佈情人,即使分手仍然可以惡夢連連。有港女便指自己因忍受不了前度多項劣跡,包括偷錢、借錢、使用暴力、禁錮同管束自己、最終選擇分手。惟分開近2個月,對方仍然不勝其煩,除了屢屢上門滋擾,更不斷言語恐嚇女方,指會於網上及貼街招數臭事主,令她情緒崩潰,不但不敢外出,自己亦長期焦慮失眠,因此要食精神科藥物。

最新影片:

女事主近日於連登討論區發文苦呻指其前度原本是同事關係,因日久生情而交往,豈料男方搬入自己家中未幾,即露出狼相,哭訴指:

要透支信用卡幫佢還錢,仲會打我,拒絕我去社交,出街前都要問過佢,同佢交代同邊個去幾時返

她指二人因此無數次嘈交,她又形容男方發癲時非常恐怖,「試過揼到我廚房爛晒...攞刀斬木門,打到我瘀晒,依家心口仲有條疤」,後來更會鵲巢鳩占,指男方「會叫佢阿媽上嚟,佢阿媽都係癲㗎,佢阿媽話要喺我屋企跳樓」,事主形容真的受不了他們兩母子,最終分手,並已經「換咗屋企把鎖」。但即使分開兩個月,男方卻仍然善不罷休,長期騷擾事主,如上門「撳門鐘」、「坐門口幾個鐘」、狂電話轟炸、多種言語恐嚇,事主指自己目前已被嚇得:

完全唔想社交,Instagram Facebook都收埋晒啲相,唔想有人記得起我,社工拍門口我都唔想理,成個人覺得好頹廢

她指自己已經好焦慮好驚,曾因此數次報警,惟警方以沒有犯法為由,最終只是驅趕男方便草草了事。她又透露男方滋擾對象,已擴展到她的朋友,「send咗我個樣俾我朋友,仲話我係不得好死等天收嘅垃圾」。因此,她才迫不得以網上求教網友如何是好? 更擔心「我搞佢又驚佢搞返我」。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載:https://bit.ly/34FTtW9

hket App儲積分換獎賞︰https://bit.ly/3ClEy1R

【獨家優惠】限時搶Columbia網店購物滿$2000即減$400優惠碼︰https://bit.ly/3DvaCkv

責任編輯:羅嘉欣