【暗戀老師】暗戀已婚靚仔Bio老師 中四女生每日期待對方上課

育兒經 13:59 2022/11/09

分享:

分享:

唔少學生都有暗戀老師嘅經歷,不過暗戀、仰慕唔緊要,唔好付諸行動就唔怕嘅!

經常都會發生學生暗戀老師的事,尤其女學生居多,因為高中女生受生理成熟影響,容易產生超乎尋常的「成人意識」而導致其暗戀異性對象是教師!有中四女生日前在社交平台發文,自爆暗戀大隻已婚靚仔Bio老師,並表示每日期待對方上課,為了更親近老師,落堂時竟不自覺放慢動作,目的是與他一齊行出課室,「佢有種魅力吸引住我,令我成日諗起佢。」

最新影片推介:

最近有一名中四女學生在instagram的「schools.secrets」發文訴少女心事,她透露自己今年突然鍾意了Bio老師,並描述阿sir個樣唔差、比例好、有肌肉,絕對冇肥肉,每日都好期待見到對方,上堂會好開心,成日都望住他,當阿sir的眼神望向她那邊時,她更會慌張地避開他的視線。

該女生自稱一開始只係覺得好鍾意上Bio堂,但最近發覺不單只是上堂,無論何時都好想見到阿sir,每次落堂阿sir要執嘢走的時候,她竟不自覺地放慢動作,諗住與他拉近一點,一齊行出課室。

佢嘅教員室位置同我form喺同一層,所以小息有時都會見到佢行過,或者企喺我班門口同學生講嘢,我就會特登行去班房門口同friend傾計,一面偷偷地望佢,佢走咗之後先捨得入班房。

見到阿sir 心跳加速

當該女生要在學校門口當值時,都很期待見到阿sir,不停咁諗他幾時返學校,望到他入校門口哪一刻,心情猶如炸煙花,心跳會無端端加快。

而上Bio堂時,阿sir講課同做的動作也很吸引她,令她覺得阿sir好得意,忍唔住偷偷地笑,

even佢每日着嘅都係襯衫加西裝褲,我都覺得好型,而且佢好鍾意將襯衫袖扯上去少少到手臂,我見到佢嘅手臂線條,隻手好大,好man,呢啲細節位都令我忍唔住將視線停留喺佢身上。

Bio 阿sir不是強勢形的老師,每次學生問問題時,阿sir也很有耐性地解答,而且講書講得好清晰,有時候都幾fun下。有學生未掌握到課程時,就用自己課餘時間開zoom補課,亦不會強逼學生一定要上,中途退出都唔緊要。

我知我好變態咁,但係我控制唔到。明明佢都唔係我哋學校好出眾嘅靚仔老師,但係佢就係有種魅力吸引住我,令我成日諗起佢。

難以自控 幻想在一起

女生無法控制暗戀阿sir,有時候還會幻想與他一起,做些好親密的事便會好開心。她知道這段「師生戀」是沒有可能,加上阿sir仲有帶戒指,相信已是人夫,

我每次諗起都會傷心,好羞愧,覺得自己好賤格,但係呢樣嘢都令我保持清醒,唔好不切實際咁去期望。

該女生說話很矛盾,一邊說未完全確認是否真係鍾意阿sir,如果只係學生對老師的鍾意咁梗係最好啦!但又說對阿sir有有feel,

我有feel係想同佢喺埋一齊嘅嗰種鍾意,我希望只係我嘅錯覺,又或者係學生時期短時間內嘅crush……

中四女生發這篇長文,只是純粹想發洩,因為這種事同friend講難以啟齒,同父母講更加唔得,所以就想投稿講出自己的心事,令自己個心舒服啲。

貼文一出,即引起熱議,不少網友都勸她放過老師,「放過bio老師 唔好累到佢冇咗份工」、「講咗幾多次唔好搞老師」、「點解近排咁多細路女鍾意老師」,有網民著樓主應該努力讀書,轉移視線,知道冇結果,就用好成績去令阿sir留下好印象,將來見多咗個世界,就會發覺有其他男仔都可以令你有鍾意的感覺。

點擊下圖,睇更多留言:

    點擊圖片放大
    +12
    +11

 

hket App儲積分換獎賞︰https://bit.ly/3ClEy1R

【獨家優惠】限時搶Columbia網店購物滿$2000即減$400優惠碼︰https://bit.ly/3DvaCkv

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳