【老鼠出沒】荃灣餐廳天花突跌老鼠 港男未食嚇窒即時走人報食環

食用安全 12:16 2022/11/10

分享:

分享:

荃灣餐廳天花突跌老鼠,顧客未食嚇窒即時走人。

餐廳現鼠蹤,除了令人擔心餐廳食物衛生問題,更會令食客食慾消失。本港有網民近日便於網上苦呻,早前在荃灣隨機進入一間泰國餐廳光顧下午茶,惟等待食物期間,發現該店天花位置竟然突然有一隻活生生老鼠從高處跌出,並落在卡位上,嚇得他即時走人。

最新影片:

有男網民在Facebook群組「荃灣人」發文並配圖,表示自己昨日(9日)在荃灣路德圍一帶光顧了一間泰國餐廳,惟「下午兩點下午茶,嘢食未到先從天花跌咗碟活生生嘅米奇落嚟」。

一隻活生生老鼠從餐廳天花高處跌出。

從網民上載的相片可見,一隻體型瘦削的老鼠跌落在餐廳卡位椅子上,身體被一大片老鼠膠痴著而動彈不得。事後,他亦留言苦呻「我都係好耐之前食過一次,今日行過諗唔到食乜先去,點知即中奬」,又指自己事後反應:

即時冇胃口走人,之後send 咗email 去食環!

事件曝光後,不少疑似街坊紛留言指該間餐廳衛生一向欠佳,「上次去食,成面烏蠅牆」、「成日都見到有小強走入去」、「呢間不嬲唔乾淨」,有網民則笑稱「加餸喎,米奇刺身」。

    點擊圖片放大
    +4
    +3

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載:https://bit.ly/34FTtW9

hket App儲積分換獎賞︰https://bit.ly/3ClEy1R

責任編輯:羅嘉欣