【叱咤樂壇】演唱會故事後教主首出席公開活動  Anson Lo盼大家繼續支持阿Mo

娛樂 16:32 2022/11/10

分享:

分享:

商台《叱咤樂壇流行榜頒獎典禮》記者會在今天(11月10日)於昂坪市集舉行,半百位歌手包括MIRROR其中9位成員:姜濤、盧瀚霆(Anson Lo)、陳卓賢(Ian)、李駿傑(Jeremy)、王智德(Alton)、楊樂文(Lokman)、邱士縉(Stanley)、柳應廷(Jer)及陳瑞輝(Frankie)。

再加上林家謙、鄭欣宜、MC張天賦、謝安琪、衛蘭等,現場有不少粉絲到場打氣,場面非常墟冚。

姜濤、盧瀚霆、陳卓賢、李駿傑、王智德、楊樂文、邱士縉、柳應廷及陳瑞輝接受訪問時,提到粉絲通宵霸位一事,Lokman直言相當擔心粉絲:「佢哋通宵而且咁熱,可能有啲細細個會被爸爸媽媽鬧,會驚佢哋唔夠水、衫、食物。(有冇送暖?)頭先在紅地毯送晒笑容又揮手。」

【叱咤樂壇】MIRROR出場直播中斷引粉絲不滿 大會迅速發文道歉:將上載完整片段

(陳慧安 攝)

Jeremy透露新歌MV風格夢幻

現場所見,Jeremy全程戴上口罩被問是否有感不適,他說:「前幾日先喺日本返嚟,去咗日本拍新歌MV,所以依家戴口罩安全啲。今次係第一次岀去拍個人作品嘅MV,所以好期待,希望大家可多多關注,而今次個MV風格都好夢幻,喺北海道拍攝,想畀大家一個驚喜。」

問到Jeremy對新人獎有否信心,他說:「新人獎冇好大嘅信心,但會做足自己200%嘅努力,可以畀大家見到MIRROR嘅每位成員都有唔同嘅特色,大家都好努力做緊想做嘅事。」

Alton對Jeremy奪獎有信心

同樣有份競逐新人獎的Alton,則指對Jeremy有信心:「我對自己嘅未來有信心,如果以客觀數字睇作品數量,Jeremy係客觀性地多機會,同埋我今年都係同AK合唱,同埋唱主題曲。(今年會否再出作品?)今年應該唔會再岀歌了,太趕。」

提到他們休團兩個月會否擔心個播放率,Lokman指大家應不會注重在播放率上面:「佢哋會重視作品質素,我哋由頭到尾都係朝住呢個方向出發。(依家已經準備好迎接新的工作?)我哋大家會裝備好自己,唔會辜負大家對我哋嘅期望,帶更好作品畀大家。」

點擊圖片放大
+7
+6

Anson Lo感謝大家守護

談到姜濤對「我最喜愛男歌手」及「我最喜愛組合」獎項有否信心,姜濤自言平常心:「希望MIRROR能拿組合獎,因為有MIRROR才有他們。(調查報告仍未公布是否覺得很無奈?)我哋不嬲都有關心,都想大家關心所有嘅Dancers。」

另外,自演唱會意外發生後Anson Lo首次會見傳媒,Anson Lo表示見到大家感到十分感動:「上一次做公開Event可能已經半年前,今日見到大家仍然一齊守護住我哋呢幾個月嘅時光。呢幾個月無論係我哋12個,或者係我哋嘅AM Team,甚至係Dancers都好難捱。經過兩個月休息後,除咗𠵱家重新工作外,都想大家一齊繼續去關注阿Mo呢件事,我諗我哋都唔會唔記得呢件事,所以大家都係繼續祈禱,繼續Send關心畀佢,畀多啲Attention佢,我諗佢最想要就係一啲正能量。」

問到他有否探望阿Mo,Anson Lo說:「暫時探唔到阿Mo,因為佢家人未Ready,我哋都係每日Keep住問佢Update最新狀況同需要,我哋12個人都一定會盡力配合。(有冇聯絡?)冇主動直接聯絡,都係同公司去溝通,我最關心都係阿Mo嘅傷勢同Dancer朋友嘅情緒,呢兩個月除咗病情上,情緒上都要時間去康復。」又指希望與Joyce的騷有新火花給觀眾。

點擊圖片放大
+12
+11

Ian+Jer沒有想得獎問題

另外,Ian同樣自言沒有想過獎項問題,但很開心今次有機會推出自己唱和作的歌曲,而且最開心大家會認同和聽其的歌曲。

Jer亦表示作品的傳達的信息較得到獎項更為重要,又透露年尾會再推出新歌。

最新影片推介:林海峰+蘇玉華專訪

記者:梁樂欣

精彩獎賞活動等您發掘:https://bit.ly/3ClEy1R