【好姐姐】印傭由白紙做起任勞任怨打掃買餸煮三餐 僱主感恩:續簽第3張合約

親子 14:52 2022/11/12

分享:

分享:

請到一個咁好嘅姐姐,真係羨慕港爸呀!

好姐姐難求!有港爸請了一位非常有heart的印傭,由白紙做起,每日打掃買餸煮三餐,全部自動波,「我都佩服佢!」,令一眾網民羨慕不已。

最新影片推介:

有港爸日前在facebook的「表揚好姐姐開心分享區」發帖,分享了印傭用心煮的新菜式,港爸表示印傭21歲來港入屋工作,由一張白紙開始做起,港爸很有耐性教她,而且基本上沒有罵過她,因他相信「你對人好人對你好」,

由乜都唔識煮、唔識做,到呢家每日神早起身照顧小朋友返學、打掃買餸煮三餐飯、全部自動波一腳踢,任勞任怨!

港爸感恩印傭姐姐對工作的熱誠,最近續第3張合約也沒有跌watt,一個印傭打理6口人的家庭,有老人家又有小朋友,中午飯會先煮給老人家吃,之後再等小朋友放學前再煮多一餐給小朋友吃,還細心到會留意一些食物不能煮給老人家吃。而從他分享的照片來看,印傭煮的三餸一湯,絕對唔簡單,去骨雞翼釀露筍及墨魚滑,金蒜粉絲娃娃菜、青瓜木耳炒肉片,仲有一個羅宋湯,賣相非常吸引。除了煮得一手好餸,打理家頭細務亦非常讚,

有姐姐亞媽真係可以抖抖,我兩個仔朝早返學全部姐姐攪掂,亞媽夠膽死9點幾先起身啲仔已經出晒門口姐姐都打掃咗一朝了!

貼文一出,不少網民羨慕港爸請到一個全能定好姐姐,「睇d餸菜就知姐姐有耐性、肯學、用心做…… 心心眼」、「你姐姐好勁,又有天份又有心機。我姐姐成日睇漏睇錯,落錯嘢,已經差唔多兩年日日都係咁係咪冇得救」。

該港爸回覆網民指,印傭姐姐仲好young,難得唔貪玩,「呢兩年covid佢放假都習慣少出街,就算去都係幾個鐘就返屋企。」他更表示,沒有用任何食譜,頭3個月是同印傭姐姐一齊煮,後來讓她自己來,不過也要看姐姐有沒有天份同肯唔肯學,「我姐姐算係聰明,教一兩次就識,同埋佢會問點解要咁樣,點解要落呢個之類..我整乜嘢新嘢佢都會企係度學,佢真係有諗過同埋有吸收。」

點擊下圖,睇更多留言:

    點擊圖片放大
    +7
    +6

 

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳