【窮人恩物】買兩餸飯送上門給女友 男友被嫌棄黑面感費解:有咩問題?

育兒經 14:15 2022/11/15

分享:

分享:

兩餸飯係窮人恩物,男朋友買兩餸飯外賣俾女朋友食,梗係出事啦!

兩餸飯係窮人恩物,所以標籤了「平」,若果男朋友買兩餸飯俾女朋友食,分分鐘被嫌棄。有港男在網上發文,表示日前購買兩餸飯給女友,結果遭對方黑面嫌棄,港男費解:「我真係諗咗好耐都唔明,兩餸飯有咩問題?」

最新影片推介:

該名港男日前在香港討論區發文,主題是「女朋友嫌棄我買兩餸飯畀佢食」,指女朋友放假不願出街,著他買外賣到她的住所,「佢又唔講佢想食咩,咁我咪求其買。」港男的求其買,就是兩餸飯,皆因平靚正!

港男到達女朋友住所後,把外賣遞上,女朋友打開個外賣見到是兩餸飯,即面露不悅,

黑晒面,話做咩要買埋依啲畀佢食,又嫌食cheap晒。

港男坦言,兩餸飯又好食又抵食,又平又大份!有時仲有飲品送!何解會惹女友厭,「買個兩餸飯畀女朋友食,佢都要畀說話我聽!我真係諗咗好耐都唔明,兩餸飯有咩問題,兩款餸都冇一樣啱佢食咩?定下次我叫三餸飯唔知佢會唔會開心啲呢?起碼貴多幾蚊...」

貼文一出,即引起熱議,唔少網民批評樓主的女朋友好港女,著他分手止蝕,「分手啦 大家都唔夾」、「呢D衰X港女!飛X咗佢啦」、「恭喜你有個高貴女友,你應該去五星級酒店買外賣先至合佢身份!」、「無錢咪分手囉,港女唔滿意一係分手一係你令佢滿意,有其他選擇咩」,有網民勸樓主揾過個唔會嫌棄他買兩餸飯的女朋友啦!「不是潑火,至理名言 - 貧賤夫妻百事哀!」

點擊下圖,睇更多留言:

    點擊圖片放大
    +13
    +12

 

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳