盧華「彈而優則唱」推出舍人新歌 《寶貝》MV由幸卓輝代出鏡頌親情

娛樂 14:41 2022/11/16

分享:

分享:

幸卓輝(左)、盧華。

本地搖滾樂隊Pandora前結他手盧華,前年離開樂隊,以個人形式出道成為創作歌手,繼《世界For Love》、《Letter》及《Heliophilia》後,日前他推出本年度第4首單曲《寶貝》。

除主唱外,由作曲、填詞、監製等一手包辦,內容主要講對姨甥女Lily的親情,並為身處澳洲的她送上無限祝福。

盧華指,今次歌曲由構思到完成,費盡心思,經歷逾一年時間,而今次歌曲對他來說更是別具意義,他說:「隨時間發覺,好多問題都源於與人嘅溝通,尤其係家人更加係我哋最埋身接觸嘅人,而我唔知點解會好驚向家人表達愛,所以唯有用歌去表達,希望家人知道我心底其實係好愛佢哋。」

幸卓輝

未適應一人台上表演

笑言不擅出鏡的盧華,在新歌《寶貝》的MV中,找來跟自己年紀相若的昇陽娛樂新人幸卓輝Matthew擔任男主角,演繹自己對姨甥女的親情。

盧華大讚指:「Matthew可以做新世代舅父嘅形象,係一個型仔舅父,佢演繹嘅時候亦好投入,拍攝好順利,而每次鏡頭完成後,我哋一齊睇playback,去執啲細節位,由於場景裡有我同阿哥、家姐小時候嘅合照,而Matthew都放咗自己細個嘅學生相,所以我哋一齊係場景入面搵返小時候嘅感動。」

幸卓輝

此外,由樂隊結他手成為創作歌手後,盧華很開心可以憑歌寄意,分享他的內心世界。

不過他還未習慣適應自己一個在台上演出,他謂:「現場演出就未好習慣,因為經常擔心自己會做得唔夠好,所以仲要繼續努力,希望可以令觀眾感受到自己對音樂嘅熱誠。」

最新影片推介:陳瀅專訪

撰文 : TOPick柴犬出動