【MIRROR成員】登神CP將攜手現身電影首映 毛姐指電影呈現不一樣的Edan

娛樂 11:34 2022/11/17

分享:

分享:

MIRROR成員「教主」盧瀚霆(Anson Lo)、呂爵安(Edan)自《大叔的愛》後被稱為「登神CP」,二人最近各自在社交平台分享完成音樂會、劇集的感受,其中Edan借角色抒發感受:「喺到感謝大家陪伴住德仔成長,同時亦一直陪伴住Edan成長」。

Edan、教主更將於本周五再度合體現身,相信可以充分滿足一眾粉絲對他們的掛念!

登神出席電影首映禮

由毛舜筠、謝君豪、呂爵安(Edan)、談善言、袁澧林、盧瀚霆(Anson Lo)及馮素波主演的《過時·過節》,將於本周五(18日)晚上於商場舉行首映禮。

《過時·過節》的IG專頁公佈活動詳情,並寫道:「好消息😍一眾演員將會齊齊整整出席Katch 獨家呈獻《過時·過節》首映禮🔥留意時間地點,到時見‼」

其後,Edan、教主也分別在IG限時動態中轉發帖文,寫道「see u 」、「see u all」。爵屎、神徒也在《過時·過節》的IG帖文下留言表示期待Edan、教主登場。

點擊圖片放大
+5
+4

教主不適後首現身

在11月13日的《拉闊音樂會 神の拉闊 鄭欣宜 x 盧瀚霆》後,大會本安排欣宜與教主接受傳媒訪問,可是教主卻因胃痛不適未能受訪。

教主後來已獲經理人花姐送回家休息,並已在網上報平安。事隔5日後(即18日),就是教主自身體不適後首度現身公開活動。

另外,自MIRROR紅館演唱會事故後,12子停工兩個月,近日就曾全員出席《903 AllStar 籃球賽》、9人姿態現身叱咤記招,姜濤、柳應廷(Jer)、江𤒹生(Anson Kong)就先後出席各自主演電影的活動。

Edan分享劇後感

Edan有份主演的《季前賽》於上周五(11月11日)播映完畢,他這次極速地分享感受:

終於有時間分享吓「季前賽」嘅感受!🏀🔥

作為一個冇乜興趣又好悶嘅人,籃球絕對係我人生中除咗打機之外最大嘅興趣😎
嗰陣拍「男排」嘅時候已經日日拎住個排球當籃球射,然後不斷幻想「如果有日有得拍籃球劇就好啦」🏀
所以大概年幾前聽導演 @fen_yuen 講話想開套籃球劇我即刻狗沖話好想好想拍🐶😂
最後就真係夢想成真參演咗季前賽,在此感謝導演比哩個機會我🥹
.
人生打得最多波應該係中學嘅階段,由中一至中六,每日嘅小息、lunch break、放學都會打🥵
件校服濕完又乾,乾完又濕,次次打完就返班房對住個冷氣吹😂應該臭死哂啲同學,不過諗返又好鬼青春🌸

雖然日日都打,不過我有一個遺憾就係冇入到校隊,冇得接受專業嘅訓練同冇打過正式嘅比賽☹️
而原因就係我打波試過受傷搞到隻手骨折同埋中學成績唔好,所以媽媽就因為擔心我會再受傷同想我專心學業就唔批准我參加🥲

嗰陣都有因為呢樣嘢嘈交,我成日都喺到諗,如果嗰陣我入咗校隊,我而家應該打緊NBA☺️唉可惜了😌
所以今次有得練波打比賽真係圓咗我中學嘅嘅遺憾!
感謝 @coachfui 不遺餘力同耐心嘅教導,你真係好錫我哋!
你哋成日話我好努力狂練,咁一方面我當然要努力啦,三分唔係我強項我好驚自己會阻人收工㗎嘛🫠🫠
另外就係其實我一啲都唔覺得攰,反而覺得好開心好爽,因為終於有得練波,同埋見到自己進步係好開心好有成功感的!🥹(而家打波真係係咁射三分😂)
.
好,講返啊德仔先🦆
德仔哩個角色都係導演同編劇去度身訂造比我,所以都真係幾啱我做,自己都做得好舒服😂
而ah duck亦都係我「大叔」後再一次做返一個搞笑啲嘅角色~
咁當然關浩德嘅性格同田田係兩回事啦,佢哋經歷嘅嘢同成長都完全唔同,但自己今次都有吸收返「大叔」嗰陣嘅經驗去拿捏啊德哩個角色,唔知大家覺得有冇分別,起碼我自己今次睇返覺得冇咁尷尬先😂😂

然後都要多謝今次好多不同嘅好對手啦,特別係 @benbenyuen 哩位好慈祥嘅老豆🥰
同Ben哥合作會有種好安心嘅感覺(對上一次係娛樂風雲🫢),而且佢喺我辦公室嘅戲份幫咗我好多,同我一齊去研究亦同分享咗好多嘢比我聽🥹thank you so much love u dad❤️

當然亦有我嘅兩位豬朋狗友 @faatguu @kakisham ,次次我哋嘅場口都可以瘋狂爆肚瘋狂撞啲好好笑嘅嘢出嚟,其實我哋真係好有Chemistry!!!希望之後仲有機會一齊玩!🥳

同埋仲有啊叔啦 @louischeung2013 !🙃
喺佢身上學到好多嘢,唔止係演員嘅修養,仲有一個表演者,一個「人」嘅修養,真係一個好好嘅榜樣🌞
有親佢嘅場口都勁好玩,嗰種喺角色之間互相碰撞出嚟嘅火花真係好正好過癮!希望再有機會合作啦☺️
.
德仔經過15集後終於成長咗,終於開始搵到自己嘅方向,終於唔再做二世祖
佢未必會成功,但起碼真真正正咁踏出咗自己嘅第一步,自己主動地去搵屬於自己嘅天地
希望德仔可以順順利利,堅持做自己想做嘅嘢👍🏻

喺到感謝大家陪伴住德仔成長,同時亦一直陪伴住Edan成長🫂

再見了關浩德~很高興認識到你,有緣再會!!
#季前賽
#關浩德

劇中與Edan「化敵為友」的ERROR成員193留言:「你冇多謝光仔?????」Edan鬼馬地回覆:「而我不知道光仔是誰」。

張繼聰則稱讚Edan:「我一直相信世界係公平嘅….直至遇到你😤
咩都有,又靚仔又叻又勤力又盛,仲要係幼雀,好快就飛龍在天✨有天理咩?….冇咩我出番去增值自己先🤦🏻‍♂️ 一句到尾,love u bro ❤️期待有機會大銀幕合作🤘🏼😝」。

點擊圖片放大
+4
+3

毛姐:不一樣的Edan

Edan指關浩德一角是自《大叔的愛》後再一次做搞笑的角色,Edan在《過時‧過節》中的演出也有突破。

毛姐曾在IG直播中表示:「電影入面每場同謝君豪兩夫妻嘅戲,都展現到好多夫妻之間相處嘅困難,好似我想釋放心入面嘅情緒,但係對方無論如何都係沉醉喺自己嘅世界入面,唔善於回應同交流。劇本每一場都寫得好真實細緻,會見到我地雙方嘅情緒轉變。而一班新生代演員,好似兩個女仔談善言、袁澧林簡直係好勁,大家會見到不一樣嘅Edan,而Anson嘅表現亦都相當之好!」

撰文 : TOPick柴犬出動