ONE PROMISE首開騷感觸落淚 Anton哭訴曾嚴重抑鬱

娛樂 18:34 2022/11/18

分享:

分享:

音樂會配合四子剛推出的首張專輯《semicolon;》。

樂隊ONE PROMISE出道3年,經過重重困難,成功轉型為Rap band後,這一年到了港九新界不同地方演出後,一路上獲得粉絲壹步兵的支持,終於成功舉辦第一個個人音樂會。

四子昨晚換上五套造型,以《當這地球沒有鐘》、《壹步》 和《In the End》 作開幕,氣氛相當高漲,壹步兵已經全程站立。音樂會上以每個成員的短片貫穿每一個部分,首先播放主音文廸的心聲:「我有時會諗如果隊band個vocal唔係我,ONE PROMISE可能已經紅咗。我覺得夾band好大壓力,曾經我將所有感覺和壓力同隊員分享,更體會到可貴嘅兄弟情,我想一世都夾band。」

Anton在台上表示: 「想送首歌給其中一個好錫我哋既監製Gary,好不幸同我哋做咗幾首歌之後就離開咗。做《懷念晴朗的雨天》rap version時,勾起了大家相處的畫面。我哋好掛住你Gary哥,呢首歌送俾你。」

互訴心聲。

演繹《寂寞的怪獸》後,天衡説:「 Joey哥影響我哋好多,佢問我哋平時幾時會夾band? 原來我哋成日做音樂,無夾band。Gary哥走咗後,Joey哥幫手睇住我哋,好錫我哋,希望大家可以多留意ONE PROMISE背後嘅英雄。」

結他手天衡在短片中道:「我最怕講情深對話,好好彩識到佢哋(隊友)。如果唔夾band,會幾耐見一次?我亦會諗,有咩野可以交換,俾Anton可以打返鼓,雖然知道無可能。」

十分感觸。

四子之後連玩多首cover作品,包括《先哭為敬》、《留一天與的喘息》、《記憶棉》。低音結他手在Sora在短片中坦言唔介意演出彈錯,好珍惜每次演出機會和隊員,因為怕唔會再有第二次表演。

由鼓手轉為rapper的Anton,為了是次演出可以單手打鼓,為手指包了保護膠布,他在短片中邊哭邊説:「Depression愈來愈嚴重,甚至令身體有段時間多毛病。不過都開心有經歷過呢一切,希望會幫到同我有一樣經歷的人,同自己加油打氣,一定解決到而家所有問題。」

音樂會尾聲,ONE PROMISE唱出《願意等你》、全唱大合唱《平凡人的自傳》,最後Anton感獨落淚表示:「要接受自己做唔到全職鼓手、四兄弟唔知點行條路,《明年見》填詞都會填到喊。無論幾努力,有時有啲嘢解決唔到都要let it go。」最後,以《明年見》作總結,希望明年可以在更大的場地與大家見面。

最新影片:

撰文 : TOPick柴犬出動