張天賦任Dear Jane嘉賓 MC笑言中學時已是粉絲

昨晚多個音樂會舉行，一連三場的《 Dear Jane What's Happening Live 2022》  昨晚西九竹翠公園進行第二場演出，Dear Jane請來MC張天賦任嘉賓，兩人於台上合唱《 無可避免 》，MC再獨唱《老派約會之必要》，令現場觀眾十分開心。

Tim與MC合唱後，Tim笑話，「剛剛我係後台問你係到做咩？」MC答:「係呀，我今日來面試呀，哈哈...」Tim:「你知唔知我點解請你做嘉賓？因為我好鐘意你呢個開心果，成都有好多energy。」 

MC : 「我想講，《無可避免》呢首歌，係我中學時好鐘意一首歌。你話做嘉賓想唱咩歌，我即刻就想唱呢首，因為呢首歌個陣經歷，係中學個陣帶俾我好多回憶。」Tim無奈苦笑。繼而MC再唱多首《老派約會之必要》，令現場觀眾非常High。