【法證先鋒V】張國強真刀脅持楊玉梅 投入悽慘角色嘆難抽離

娛樂 16:37 2022/11/26

分享:

分享:

由方浤酌(Ben)監製的TVB台慶劇《法證先鋒V》,昨晚(11月25日)可說是張國強(KK)及楊玉梅演技大鬥法。

《法證先鋒V》劇情講武志佳(張國強飾)與方穎兒(楊玉梅飾)原來是兩兄妹,當年穎兒偷渡來港時誤殺蛇頭林發,為保護妹妹,志佳(關曜儁飾年青版)當年以水泥埋屍。

【法證先鋒V】丁子朗演戀屍天才考演技 人氣小花陳曉華羅毓儀登場

張國強騷演技。

張國強楊玉梅鬥演技

豈料穎兒最後竟走上騙財歪路、對女兒靜恩(江芷銦飾)亦沒盡好母親責任,更將志佳埋沒良心換來的50萬一夜輸光。忍無可忍的志佳決定與穎兒同歸於盡,其間與重案組發生激烈對峙。

KK繼年頭的《鐵拳英雄》演黑幫反派彭堅後,今次在《法證V》再送驚喜,飾演因冤獄與世隔絕多年,出獄後想重新出發但又力不從心的滄桑低下層,與以往「有錢」Image大相逕庭,並要應付大量內心戲。

至於飾演妹妹穎兒的楊玉梅,去年年尾憑《異搜店》成功彈出,演技一再備受肯定。擅長演繹人性黑暗面的玉梅,是次飾演「諗埋一邊」的悲情窮媽媽,連場落淚爆Seed場口與KK一樣贏盡好評。

對於兩人的精湛演出,網友留言大讚:「KK好好戲!」、「一哭二鬧三自盡,玉梅充分演繹」、「今集好癲,班老戲骨好戲到。」

喊足一整天

自覺當年為「掩護」妹妹愧對已故女友晶晶(羅毓儀飾)的志佳,事隔多年再因妹妹被逼放棄為晶晶翻案念頭,角色情緒複雜。

KK亦將當中的絕望及悲憤演繹得恰到好處,KK受訪時坦言單是角色造型已很大挑戰:「佢哋想我憔悴啲、要有啲老態、唔可以太精神,呢啲都考起我。尤其頭髮,每次都要用人手油白色同油灰色,咁啲白髮先上到色,淨係頭髮初初都要花成個鐘或以上搞。個妝又要噴好多老人斑,但去到後期熟手咗,頭髮連妝一個鐘頭多啲就搞掂。」

他指,最後一場拿刀脅持楊玉梅的戲份,拍了一整天亦喊足一整天:「呢套劇每場喊戲都需要唔同嘅表達,都幾考功夫。我自己最鍾意係Ending,由脅持到同人對話再到幻想番個女主角(晶晶)出嚟,幾乎由朝到晚都係喊戲,甚至乎畀對手嘅反應戲,為咗做足啲我都係真喊嘅。呢場戲我好滿意,都好大滿足感。」

用真刀演出

據知為增真實感,脅持戲用的是真刀,雖然劇組已事先為真刀包膠紙確保安全,但由於脅持過程激烈,拍攝過程險象環生,楊玉梅更因此玉頸受損,KK續說:「因為我要講一大堆對白,又要喊又要好激動,拍咗一日後搞到玉梅條頸有啲損損地同埋瘀咗,真係辛苦晒佢。」

玉梅姐則感激KK拍攝時全程錫住她:「KK佢好小心,好擔心會整到我,雖然拍完都係好多條痕,但成件事真係幾難忘。因為嗰幾場戲把刀好近我哋個頭,又成日要影我哋大頭,所以係唔可以用假刀。」玉梅姐又笑指很開心能與KK再度合作擦出火花:「可以同咁有心嘅演員做對手真係非常非常好。」

玉梅姐頸部受傷。

談到是次角色,玉梅姐坦言很大挑戰:「我角色好慘好苦,基本上場場都喊到豬頭咁,最慘係每場戲喊完個頭好痛,眼又會腫,但可能下一場戲又唔使喊喎,為咗連戲又要令自己唔好腫得咁緊要。」

她續指難以抽離角色:「由開工到收工都要好傷感,有時放工都會唔開心,唔想同人接觸,好在呢個係一個短嘅故事,如果長劇咁慘就慘喇!」在角色造型上,玉梅姐亦花了不少心思:「今次個角色我冇化妝,因為個角色好窮,我覺得應該要『烏Wear』啲先似呃人錢。」

最新影片推介:

精彩獎賞活動等您發掘:https://bit.ly/3ClEy1R

撰文 : TOPick柴犬出動