【第一秒】側田憶述被傳媒攻擊日子 台上哭訴:點解要做我呢

娛樂 17:23 2022/11/28

分享:

分享:

側田激動分享經歷。

側田繼8月舉行過《第一秒音樂會2022》後,於11月26、27日兩晚載譽歸來,兩晚演出以《Volar》揭開序幕,立即炒熱全場氣氛。在澎湃快歌過後,感性地回想2002年被傳媒批擊的事件。

他在台上爆喊說:「點解要做我呢?其實好怕『紅』呢個字,因為越紅身邊人越假。」側田豁出去:「唔理喇!I all in , man!你哋知我咩性格啦。其實我對呢一行又愛又,所以2020年搬咗泰國想搵返個初心,相信music god係要我經歷呢啲嘢,今日先做到呢個show。我哋共通點係歌,用音樂去愛大家!」

然後側田一連串唱出《美麗之最》、《感動》、《愛的習慣》、《第一秒》、《三十日》,台下觀眾自發以一片手機燈海支持,令側田激動落淚。

今年二度開騷。

側田接著唱出《情歌》、《我有今日》,激動說:「多謝你哋!我細細成日俾人欺凌,過去入行呢17年,由05年開始已經有haters,其實我最介意屋企人聽到啲新聞覺得係真!」

他續說:「名氣呢樣嘢我覺得,以前唔識得自我接納,係靠觀眾嘅支持接納自己。呢17年我台上高調台下低調,刻意去低調,點解仲要搞我?但依家我諗通咗,唔鍾意我嘅人點都會憎我,最緊要係你哋(觀眾)仲喺度,有好多人撐我!」他亦感激曾有前輩提點,只要問心無愧得就可以,重點在於要對得住自己。然後唱出《Last Dance》、《半杯入魂》及《好人》。

Swing合體。

他邀請Eric Kwok合唱《男人老狗》及好友Jerald合唱《山歌》後,encore唱出《男人KTV》及《很想很想說再見》,最後道:「呢個係再見係see you later , 唔係goodbye!」

最新影片:

撰文 : TOPick柴犬出動