【夫妻關係】親人生日丈夫發劇照賀壽 妻1個原因嫌不吉利引爆夫妻罵戰

親子 16:36 2022/11/30

分享:

分享:

有啲人係比較敏感同棹忌,尤其係send去家庭群組,應該要更加小心。

講者無心,聽者有意,好多時罵戰就是這樣來,有人夫上網呻,因send了一張劇照到WhatsApp祝賀太太家人生日快樂,豈料老婆非常介意,並致電老公炮轟,「send啲已離世人相祝人生日快樂,係咪有病?」老公嬲爆退出外家群組,並指老婆連最基本既尊重都冇,以為自己大晒!

最新影片推介:

人夫就係send這張相片到家庭群組向老婆親友賀壽。(網上圖片)

該名港男在香港討論區發帖,主題是「(純粹發洩下)一張祝屋企人生日既相同老婆起駡戰」,他表示send了一張(吳孟達)的生日相到WhatsApp群組,祝老婆屋企人(一位中學生)生日快樂,

冇幾耐佢打嚟鬧我,話send啲已離世人相祝人生日快樂,問我係咪有病,我話講心意唔洗咁介意呀,又唔係有其他意思,另一個仲在生wor又唔係著住壽衣,係咪你太敏感呢。

之後老婆在未經老公同意下,直接以管理員身份於群組刪除張相,並叫老公再send另一張相片,罵戰就開始,

我話佢玻璃心同唔尊重我,跟住我直接退出佢屋企群組,因為實在太嬲,佢連最基本嘅尊重都冇,以為自己大晒咁,的的確確錯不在我,唔係下下用自己把尺嚟度人。

貼文一出,即掀起熱議,有網民認為男人同女人睇嘢角度唔同,不要夾在親人之間製造衝突,「而家啲人好多時自己錯,永遠都唔會認,再者,若果同屋企人都咁計較,不如分開啦,一啲男人氣度都冇,又要做男人,哂氣」、「雖然佢反應大咗,但有啲禁忌你咁大個人無理由唔識,用錯相又生日,咪send過第二張,唔通你整啲唔老嚟嘢俾我,要我體諒你同你講好說話咩!就下老婆唔覺得係大問題。」

樓主回覆網民,指這張相應該有不少人在WhatsApp群都有用過,生日的當時人私底下多謝了他,並說:「依家咩年代下下咁介意唔會有朋友㗎!」還表示,人總會有脾氣,正如他同老婆都會有脾氣也是人之常情,而且他只是純粹用文字發洩一下,不代表他不再愛老婆,兩公婆一定會有鬧交時候,只係用咩方式去減壓,到最後永遠都係牀頭打架牀尾和,婚姻之道就係咁!」

點擊下圖,睇更多留言:

    點擊圖片放大
    +13
    +12

 

hket App儲積分換獎賞︰https://bit.ly/3ClEy1R

【名師試題教室】睇片連工作紙 中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳