【疫後筍工】婚宴一項「快樂工作」豬籠入水 月入百萬遠超二三綫歌手

親子 15:56 2022/11/30

分享:

分享:

婚宴樂隊現時月入隨時過百萬,遠超二三綫歌手的收入。(作者提供相片)

呢輪,真係好多飲宴。因前年、去年及今年初結婚的新人,排隊補請喜酒也。

最過癮,新郎新娘拖埋BB做儀式,結婚順便仔女百日宴或生日等一齊做埋,時代標記。

絕大部分新娘子,一如「肥女B」,擺酒當日,一定要靚。所以,半年前已經「做嘢」,keep完呢樣keep嗰樣,非常之有紀律,也非常之刻苦,決心驚人。

另外,就是要婚禮現場氣氛好!氣氛營造,除現場布置及美酒食物外,當中一環,是要有現場音樂。

最新影片推介︰

唔講唔知,原來由近幾個月開始到明年,有一種職業,簡直天之驕子,唔憂無工開之餘,倒轉,「卜」到爆晒,分分鐘一日要走兩場——婚宴的樂隊。

如今擺酒的年輕新人,多是二十多到三十多歲,音樂品味當然不會是老餅一類唱懷舊經典歌。故此,老牌樂隊又或菲律賓Band,根本唔適合。唯一選擇,正是與新人同年代的樂手及歌手。其實,要求唔低,要彈得唱得,熟悉九十年代到今天的情歌,起碼要二三百首唔使睇譜都可隨時演出。

當然,更要靚仔靚女啦!如是,一旦唱出口碑,就可豬籠入水矣。

最近,我肥碌參加婚宴,聽到一隊相當正的,一查價錢,嘩,肯定月入遠遠多過二、三綫歌手,兼且,無乜壓力,次次好似朋友一齊玩,輕輕鬆鬆每隊月入百萬元!

原文刊登於《香港經濟日報》,標題為「月入百萬「快樂工作」

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T