【育兒心得】3歲男童發展遲緩須治療訓練 爸媽卻報不同興趣班「頂替」

育兒經 17:33 2022/12/02

分享:

分享:

男童父母為其報不同興趣班。

要有效幫助孩子, 先從正確態度開始。我有一位朋友的朋友的小朋友,懷疑有一點點的SEN問題,朋友又知道我其中一個工作業務是關於小朋友訓練,所以希望我給予一點意見。

朋友的朋友給我看了他兒子的一份整體發展評估報告。小朋友三歲,有整體發展遲緩,言語大小肌肉均需要後續跟進。

(那位朋友的朋友我們稱他為 A先生) 

A:Tim Sir 希望你幫幫手睇一睇有冇乜嘢意見可以幫我個仔進步得快啲。

我: 冇問題,不過而家小朋友有冇做訓練?

A: 有呀,但係做咗大半年都冇乜進展。

我: 咁奇怪? 大小肌肉言語都做緊訓練? 

A: 係呀,所以先令人氣餒。

我: 而家你做緊啲咩訓練?

A: 唱歌丶 跆拳道丶鋼琴。

我: 我意思係正式訓練唔係課外活動, 請問而家做緊乜嘢訓練?

A: 咪就係唱歌跆拳道同埋彈琴囉。

我:....... 呢啲唔係正式訓練..... 

A:  因為唱歌可以鍛鍊口肌協調,跆拳都可以練習大肌肉及平衡力,彈琴可以練習細肌肉,咁橫掂都係訓練點解唔玩開心啲嘅嘢?

最新影片推介:

老實講當時我聽到這些說話我實在有點想暈低。我用大約半小時時間與A先生講解這些課外活動語正式訓練的分別。

的而且確某些活動可以有助提升孩子各方面的協調能力,但絕對不能取代正規治療,就正如一碗足料的老火湯,都不能取代一碗中醫處方的開方藥。

湯水就是湯水,中藥就是中藥。課外活動就是課外活動,治療訓練就是治療訓練。

希望各位家長不要畏疾忌醫盡早處理好,到時你喜歡上多少興趣班都冇所謂,要怕的就應該怕耽誤黃金期。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

撰文 : Tim Sir 香港童協發展總監