【兒童節目ICON】譚玉瑛被TVB前高層余詠珊嫌老 阿譚大方稱:製作人有佢嘅理念

娛樂 13:57 2022/12/06

分享:

分享:

譚玉瑛(阿譚)提起2014年不被續約一事。

現年60歲的譚玉瑛,人稱「譚玉瑛姐姐」,是不少人心目中的兒童節目Icon,她由1982年起主持《430穿梭機》,至2014年任《放學ICU》的校長。在2014年,有傳阿譚因高薪而不獲續約而鬧出風波。

阿譚日前接受香港演藝人協會訪問,提到當年離開TVB兒童節目原因。

最新影片推介:王詠珩專訪

被高層嫌老

阿譚回憶指,當年尚在擔任兒童節目主持時,曾被公司指可把她調出去參演話劇,可是阿譚卻拒絕,皆因自己很喜歡任兒童節目主持。

她自言自己較「短視」,覺得當時很滿足、很開心,指自己對小朋友、長者的寬容度較大,與他們說話時也會配合他們的特質。

當提到2014年不被續約一事,憶述稱:「當時個主理人Sandy(余詠珊),有日叫我入去佢間房,佢其實都幾清晰,話我知佢想請一個當年好似我咁後生嘅人,嚟做兒童節目。我亦都好明白,製作人有佢嘅理念,而我又唔再年青,人哋又唔知點樣去整你走。」

阿譚續說:「每隔4年左右 ,身邊所有嘅主持就會轉一轉,但係次次轉都唔係化表我唔使轉,其實我都有諗呢件事,當佢同我講,我又覺得合情合理,如果佢想請一個後生,咁我又唔再後生,我就應該消失,咁都啱嘅。」

    點擊圖片放大
    +3
    +2

本打算靜悄悄離開

她表示自己當時感到捨得 ,「我記得我當時採取嘅態度係我好靜悄悄,無講俾身邊任何一個人知。」她又靜悄悄地清空儲物櫃,並在第二個星期不上班,然後就可令大家知道。

後來,阿譚離巢的消息終於被其他人知道,她憶述:「當時係我第一次知道原來記者同你講電話時係會錄音,跟住Sandy就搵得我好嚴重,可能佢以為我走去同記者講,總之就唔係好開心咁,因為佢嘅上司就去話佢做咩搞到呢件事咁。」

【青春不要臉】譚玉瑛揭藝員訓練班辛酸史 初入行演丫環最憎拍污辱戲

拒絕另一電視台招手

當時阿譚未有再主持兒童節目,有另一電視台邀請她幫忙開拓一個新節目。

可是她卻一口拒絕:「可能係我懶,我覺得自己無做兒童節目嘅時候,覺得自己由10幾歲到依家做咗幾十年,都好多人無我咁勤力呢,我唔做嘢都唔係寄生蟲掛?我嗰時自己係咁諗。」

阿譚相當欣然接受主持煮食節目,自稱因為飲飲食食是她的嗜好。

精彩獎賞活動等您發掘:https://bit.ly/3ClEy1R

撰文 : TOPick柴犬出動