【施明入院】李泳豪暗示哥哥李泳漢爆媽媽入院 豪仔:我相信觀眾明就會明

娛樂 12:08 2022/12/07

分享:

分享:

李泳豪不滿「有人」放料!

藝人施明日前被傳出在上周五不慎在家中跌倒,頭部撞落地,隨即被送往醫院治療。手術順利完成,可是施明至今仍昏迷未醒。

昨日(12月6日),李泳豪(豪仔)接受TVB娛樂新聞台訪問時,豪仔指媽媽最危險的時候已經過去,但現時不可以探病,家人每天下午或晚上會以電話與醫生溝通。而慶幸維生指數也是可以的,仍有待觀察。

他更相當不滿地暗指哥哥李泳漢是「放料者」,令媽媽在ICU留院的消息曝光。似乎兩兄弟之間的不和愈演愈烈,比早前傳施明與媳婦Agnes的婆媳不和更「精彩」!

【婆媳問題】傳施明嫌新抱年紀大反面 李泳豪以14字向太太派定心丸

李泳豪接受TVB娛樂新聞台主播許文軒訪問。(影片截圖)

豪仔:「有人就咁講咗出嚟」

豪仔指與爸爸鼎爺本想低調處理事件,但結果被人「放料」,他也為此感到憤怒。他說:「我哋知道咩原因,因為其實一直因為佢老人家嘅私隱,我同鼎爺不嬲話家事唔講,有人就咁講咗出嚟,之後就謠言滿天飛喇,我都想係叫唔好再講,有啲人真係唔好再講嘢喇,將件事係worse。」

他指自己現時不需要與哥哥聯絡,指對方也沒有與他聯絡,他說:「我只能夠叫佢做就係叫佢唔好講咁多嘢。」接著,他稱:「呢啲我相信觀眾明就會明,但其他人唔明,睇到都知咩事。我淨係想講佢唔好講咁多嘢喇。」

而大仔李泳漢早前接受傳媒訪問時哽咽透露未來數天是關鍵期,希望母親可以大步檻過,更指只要母親康復,做甚麼都願意,因為母親是自己最重要的人。

最新影片推介:王詠珩專訪

【婆媳問題】李家鼎拍全家福獨欠李泳豪夫婦 李泳漢保護母親施明代解釋事件

解釋開心出活動原因

豪仔早前被指在媽媽情況嚴重下,依然笑容滿面地與太太出席活動。

對此,他解釋稱:「我係Artist,同埋嗰個係我師傅嘅一個Function,我應承咗人哋好耐,應承我一定會出席,同埋我唔會帶情緒去參加人哋個活動。我就係咁樣即係想普普通通咁樣人哋唔會留意到原來我屋企有事,要表現得normal咁樣,人哋唔會知。」

    點擊圖片放大
    +5
    +4

回應婆媳問題傳聞

豪仔在10月與拍拖2年多的台灣女友Agnes註冊結婚,二人於男方父親李家鼎的私房菜館註冊和宴請親朋,但席間卻未見李泳豪的母親施明及其孖生哥哥李泳漢。

有傳因施明恨抱孫,在得知Agnes與李泳豪同齡,屬高齡產婦,施明在二人拍拖期間已表不滿,而母子關係也因為而決裂。豪仔作出澄清:「錯㗎,不嬲都無嘢,由第一日......其實我點降選擇依家今日開腔呢,因為其實我結婚嘅時候,已經有好多嘅是非,其實嗰陣時我都唔想講,即係盡快settle咗就算,但今次點解講,係去到如果我媽咪咁大件事都攞嚟講,咁就唔得㗎喇!」

另外,李泳漢就曾指母親「從來冇嫌棄過任何人」,對媳婦生育與否有很大的自由度,也不會多多意見。

    點擊圖片放大
    +6
    +5

精彩獎賞活動等您發掘:https://bit.ly/3ClEy1R

撰文 : TOPick柴犬出動