【樂園揭秘】擲彩虹唔中都當你中? 冒險樂園前員工大爆中獎秘密

親子好去處 13:49 2022/12/07

分享:

分享:

有冒險樂園前員工大爆擲彩虹的秘密。

美國冒險樂園屹立香港多年,成為很多香港家庭最愛的遊樂園之一,家長會帶仔女擲彩虹、玩機動遊戲,長輩就最鍾意玩推幣機。究竟擲彩虹真的會有人中藍色大獎?哪部推銀機最易中?想入去工作幾錢人工?有冒險樂園前員工在網上爆料,揭開鮮為人知的秘密。

最新影片推介︰

有冒險樂園前員工在「連登討論區」開帖文回答網民問題,很多人認為擲彩虹猶如「掟錢落海」,其實有沒有技巧?能否透過訓練來增加準繩度?樓主指曾見過不少高手,當然有更多是靠運氣,掟幾十個幣總會有個中。

但要成為掟彩虹高手,恐怕要交很多學費。

樓主解釋,高手通常會在同一場地不斷玩,因為「每個場個地滑度唔一樣,有啲滑啲,有啲冇咁滑。所以你適應咗一個場,玩慣成日中,去咗第二個場係另一回事。」樓主見過有客人的確狂中大獎二獎,但有網民質疑彩虹藍色大奬是否都市傳說?一日有幾多人中?樓主表示,平日每天平均有0至3人中獎,而六、日可能高達5至10人中獎。有網民憶起一名「高高瘦瘦阿叔」擲彩虹高手不斷中獎,「佢應該唔自在啲獎品,純粹係好有錢。」

擲彩虹是冒險樂園最受歡迎遊戲之一。(文子健攝)

不過,員工們最難頂有長者客亂鬧人,明明一看就知完全擲不中,但該長者堅稱中獎,「跟住話我係咪盲咗,大大聲叫過主任嚟,個主任嚟到咪照話唔中,佢仲鬧咪影俾佢睇。」樓主坦言,有時對客人擲彩虹都會持主觀態度,並對長期擲不中的客人有同情心。

有時唔中當你中,例如你如果6-7次都唔中,我睇到唔中都會話你中。主任喺我隔離就揸正嚟做。

「六人機」出票性價比最高

另外,網民關心哪一種機台出最多票,即「性價比」最高,以換領心水禮物。樓主明言「推銀一定係最合乎成本效益」,亦即是「六人機」,但他提到六人機「每個位置的設定不同,因此Payout也會不同。」

網民表示,想不到冒險樂園至今屹立不倒,仍有很多分店,哪一個機台最帶挈樂園賺錢?樓主估計擲彩虹和推銀機都好賺錢,但不肯定哪一個才是賺錢王。樓主又利申自己在樂園做兼職,時薪只有$41,而有另一員工也曾在連登發文稱自己時薪$44,引起不少前員工討論,稱這家公司的時薪公價是$40至47,視乎分店而定,黃埔店才有5字頭。

點擊圖片即睇更多網民意見︰

    點擊圖片放大
    +7
    +6

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳