【法證先鋒V】江欣燕演苦命媽媽做足功課 讚蔡思貝睇得做得兼「擦得」

娛樂 16:18 2022/12/07

分享:

分享:

TVB台慶劇《法證先鋒V》前晚(12月5日)及昨晚(12月6日)一集劇情發展集中在井Sir(袁偉豪飾)及Taya(蔡思貝飾),前晚井Sir與Taya車頂浪漫一吻後,劇情卻來個峰迴路轉,原來井Sir父母是遭Taya父親譚森(林偉飾)殺死 ,Taya得悉真相後,即時對與井Sir感情卻步……

談到兩位主角的車頂接吻戲,思貝接受製作組訪問時透露,該場戲是於放宵夜後才拍攝,對此阿Ben(袁偉豪)雖已事先警告她不要亂吃宵夜,但她一於少理,更專誠為阿Ben炮製「有味」香吻:「我梗係冇理佢,蘿蔔糕、臭豆腐乜都食。」

【法證先鋒V】蔡潔慘遭剝光豬生劏 冬天瞓鋼板解剖床不斷喊【多圖】

拍攝前做足功課

昨晚《法證先鋒 V》可說是江欣燕演技大曬冷,飾演Taya母親麗霞的她,在劇中不但全程行動不便,更要飽受丈夫譚森人間蒸發及失蹤等折磨,其中一幕在餃子店得悉失憶後的老公,已另覓愛人李鳳(甄采浠飾)並展開新生活時,欣欣將難以置信兼茫然地吃著餃子的含淚表情演得煞是感人。

談到角色,欣欣坦言從未試過咁苦,一直渴望挑戰情緒戲的她,更由接獲劇本一刻已開始做定功課。

完全投入角色

欣欣回憶說:「其實我冇相關經歷,所以我喺屋企幻想咗好耐,畀咗好多前設同後設自己,我仲同導演講定萬一我喊唔到滴眼藥水,我畀咗自己好大壓力,好彩食住嘢喊嗰場嘅苦原來喺個腦已溝通好晒,Take 1 Take 2已搞掂。我自己都好開心,我諗我廿世加埋都冇咁苦。呢套戲係辛苦嘅,因為慘得太緊要,啲唔開心嘅情緒都有唔覺意降落咗喺我身上,好彩我都好快跳番出嚟。」

她又謂根據劇情,角色有不少難言之隱,為免演出時自打嘴巴,她專誠在劇本上做了手腳:「我將劇本剪晒出嚟黐好晒,因為件事好複雜,劇情前前後後會有啲唔同,有啲位我要講大話,又有啲會係觀眾以為嘅真相位,變相做演員自己要好清晰個劇本。」

江欣燕一絲不苟

除慘情戲,她連行路方式也是做足功課:「當我知道角色有腳患,我第一時間問係左邊定右邊,因為角色嘅腳患有幾個階段,有啱啱車禍之後,有康復中,我有逐場去研究。呢種戲好難演,惟有係咁諗住自己隻腳有事。我都驚自己行行吓會唔記得咗要趷,但原來身體已經有慣性會就住度力。」

欣欣並刻意暫停減肥,目的是想保持「脹卜卜」以便拉遠和女兒思貝的距離。談到思貝,欣欣讚不絕口,並笑指對方比想像中「擦得」:「估唔到佢睇得又做得,同埋你唔好睇佢咁瘦,原來佢成日請食嘢同食好多嘢。」

謝東閔霸氣登場

另外,昨晚重要角色張文傑(謝東閔飾)亦霸氣登場,劇情講述井Sir欲帶古惑仔張文傑返警署接受調查,不過張文傑並未輕易就範,打扮誇張、表情囂張的他更句句與井Sir撐到行。

談到角色造型搶眼,謝東閔坦言是劇組精心設計,並謂每次都要花2至3個鐘化妝整頭:「因為(頭髮)顏色每一次都要慢慢噴上去,染髮做唔到呢個效果,然後有部份仲係假髮添。疤痕方面每一次對番位其實都好花時間。」

問謝東閔開心Share造型照時,竟發現旁邊多了其愛犬,對此他笑言:「係呀,我有時都會帶埋佢開工架!」

最新影片推介:王詠珩專訪

撰文 : TOPick柴犬出動