【偏心媽媽】3孩全職媽催谷孩子當事業 炫耀大仔細仔是天才踩低二仔

育兒經 14:18 2022/12/08

分享:

分享:

有媽媽總喜歡不停地炫耀自己的子女。(《開心速遞》劇照)

不少媽媽都會嘴巴不停地炫耀自己的孩子,尤其是全職媽媽,孩子的成就變成了自己的事業,不緊張才怪。這位媽媽有三個兒子,吹噓是停不了的。

「我個大仔好叻嘅,自細都攞好多獎,我毋須理佢,佢就考全級第一嘞,呵呵呵……」她的兒子優秀是事實,但媽媽說毋須理會他,兒子就輕易考取好成績嘛,我倒不會相信。

據我所知,媽媽為兒子聘請了不少名師上門授課,英國老師教英語、教授級導師教數學、名人導師教演講等等,媽媽是將兒子交託於補習群隊呢!

「我個細仔仲叻!」她的第三個兒子不是只有三歲嗎?該未有甚麼明顯的成就吧!「我毋須教佢,佢就識晒二十六個字母,仲懂得自己讀英文書,又識得用英語指揮菲傭姐姐,你話係咪天才呀,呵呵呵……」家裏排最尾的孩子,有哥哥姐姐做先頭部隊,他們會模仿、會辨識甚麼行為可遭責難,甚麼會被稱讚,所以會比較乖巧。

最新影片推介︰

「咁你嘅二仔呢?」我好奇地問,因為媽媽滔滔不絕地歌頌大仔和細仔之時,卻隻字不提二仔。

媽媽旋即臉色一沉:「唔好提佢!」她的聲音也忽然變得低沉:「阿哥就考全級第一,而佢就……」此刻房裏突然傳來了小狗悲鳴的吠聲,媽媽跑進去大嚷:「二寶,你做乜踢隻狗呀?」有個男孩氣憤地吼叫:「連隻狗都睇我唔起!」

孩子叻你才錫嘛,這叫失職。

原文刊登於《香港經濟日報》,標題為「你敢說不偏心嗎?」。

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

撰文 : 鄧藹霖