【上車夢碎】批父母理財不當錯失買樓時機 港男憂兩老退休成噩夢︰一個養三代

親子 13:43 2022/12/09

分享:

分享:

有港男批評父母理財不當,錯失買樓時機,擔心兩老退休後要「一個養三代」。

買樓置業是不少香港人的夢想,但樓價長期高企,想上車又談何容易。有港男在網上討論區大呻,父母理財不當,白白錯失買樓時機。他既擔心無錢結婚生仔,又怕兩老退休後要他供養,無力「一個養三代」。

長期租樓 申請公屋入息超

該名港男近日於連登討論區以「有冇人屋企人冇物業又冇公屋」為題發帖文,表示父母多年來一直租樓,超過入息限額未能申請公屋,變相無樓又無公屋。他不解1980至90年代機會處處,父母卻不買樓,認為「租咗幾廿年樓夠full pay層樓有凸」,而兩夫妻合共100萬儲蓄也沒有。他大嘆︰

退休之後唔係諗住我一個養3個啩?諗起自己要為理財失敗嘅父母負責佢哋嘅退休人生就慘。

最新影片︰

父母消費高儲蓄少

港男續指父母不買樓,卻追求生活質素,如去旅行、買頂尖型號的電視和手機、買手袋和化妝品、食和牛,以致儲蓄不多。他直言,「佢哋嘆好嘢老咗我要埋單嗰下大鑊」。

他自言非高收入人士,灰心稱「唔使娶老婆生仔」,女朋友不願婚後與他的家人同住,他亦無力租住兩個單位。即使他儲到首期,自己供樓加上為父母租樓,根本無法儲錢,也沒多餘錢投資,結論是「下一代辛苦又要我個仔養我?」,對將來感到無奈︰

我冇料一個養曬三代仲有錢儲,叫佢哋排公屋好似好不孝咁……

網民︰投資晒落你身上

不少網民給予意見,認為不應歸咎於父母,他們有權利選擇自己的人生,也不一定要買樓。有網民表示,「因為佢哋投資晒落你身上」、「就係因為租樓,咪儲唔到錢囉」、「租樓有咩唔好,又唔使承擔樓價跌風險」、「無咪唔好結婚或繼續租樓,又唔係要有層樓先結到婚」。

點擊睇更多網民意見︰

    點擊圖片放大
    +8
    +7

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳