【百萬同居計劃】黃德斌出盡奇招應付娟姐 Jer爆教主Anson Lo浸浴浸足兩個鐘

娛樂 12:42 2022/12/09

分享:

分享:

《百萬同居計劃》

教主盧瀚霆(Anson Lo)主演的ViuTV劇《百萬同居計劃》當中有不少搞笑情節,其中下周二(12月13日)播出的《百萬同居計劃》第6集,劇情講眾大宅成員齊齊到主題樂園遊玩,而同一日剛巧遇著飾演夫婦的黃德斌、練美娟(娟姐)慶祝結婚周年,德斌出盡奇招應付兩邊,場面爆笑。

為配合此劇情,德斌不時做出誇張反應,令經常與他有對手戲的老婆娟姐難以招架:「同德斌做戲可以練埋急才,有時都真係接唔住佢啲反應,不過德斌都接我唔住,講緊係接唔住我成個人,因為喺劇中佢成日要抱起我。」 

黃德斌出盡奇招應付老婆。

Jer爆Anson Lo秘密
 
劇集在主題樂園取景,演員們都寓工作於娛樂,於拍攝前一晚就率先到樂園酒店入住。Anson Lo表示,有一種去staycation的感覺,更被同房的隊友柳應廷 (Jer)大爆他浸浴浸足兩個鐘!

Anson Lo又笑言,多次問導演會否需要重拍或補戲,可趁機再到酒店享受一番。 

最新影片推介:王詠珩專訪

 

撰文 : TOPick柴犬出動