【輕.功】黎耀祥深情錄音騷視帝級演技 蔣祖曼喪鬧祥哥勁緊張

娛樂 13:24 2022/12/09

分享:

分享:

《輕.功》

TVB劇《輕.功》在昨晚(12月8日)一集內,黎耀祥、蔣祖曼(Joman)同場大鬥演技。

《輕.功》劇情講到翊嵐(蔣祖曼飾)赫然發現眾人偷偷籌備媽媽繆妙(龔慈恩飾)的回顧展,由於有感展覽太過寒酸,翊嵐命令眾人「煞停」兼忍不住連番數落,十一(黎耀祥飾)見狀即扯火鬧爆:「大家為咗呢件事花咗幾多心機,你講嘢使唔使咁刻薄?有冇當過大家係長輩!」

之後父女又因價值觀問題起爭執,事緣十一認為翊嵐不應因「移民問題」與拍拖多年的男友Duncan(李日朗飾)分手,但身為女強人的翊嵐卻不想因愛情放棄事業:「我唔係媽咪呀,做唔到嫁雞隨雞。」

十一聞言再扯火:「咩呢種人嗰種人呀,佢生你架。」翊嵐即再反擊:「年代唔同咗,我有我生活,我有我事業,我唔一定要嫁人做少奶奶,我可以揀架。」

兩代價值觀不同

雖然兩父女「前世撈亂骨頭」咁款,但由於翊嵐始終是孝順女,亦明白爸爸與父母好友苦心,故後來利用自己人脈及網絡為媽媽舉辦回顧展,亦為十一及眾好友重燃希望。

祥哥與Joman的連場罵戰除對白及二人演繹均十分精彩,背後意義亦是發人深省,反映兩代人因價值觀落差衍生的矛盾之餘,十一與嵐嵐各自以為是為對方好、其實忽略了對方真正感受的處境亦值得反思。

有網友認為:「兩代人的分歧,其實都係出於愛」、「其實仔女大咗就應該有自己嘅人生,夾硬留佢地響身邊係好自私嘅行為」、「呢套戲要有一定人生閱歷嘅人至會睇得出戲味」。

提到劇中不時要對祥哥破口大罵,Joman直言很大壓力:「好記得開廠頭幾日就要指住祥哥嚟鬧,加上我第一次接觸小品劇已經好緊張,係咁諗點樣可以演好啲戲,點知諗得愈多就愈鑽牛角尖。喺我好困擾時,龔姐同祥哥好好咁同我講:『唔使諗咁多,咁演就啱喇。』好感恩佢哋好願意同我分享。」

朱仔忍住喊

該集另一亮點,是十一為繆妙的回顧展錄生平旁白,依然思念著愛妻的十一,錄旁白前表現緊張,透大氣之餘更緊張至捽眼。

但為幫亡妻成就美事,十一最終強忍傷痛,以不疾不徐的溫柔語速讀出亡妻生平,提及愛妻的烏龍事及威水史時,更先後露出甜笑及驕傲表情,笑容背後盡是痛惜,平淡語調背後亦盡見真摯的愛。

最後十一眼濕濕笑著說:「佢係影迷心中嘅蓋世女俠,丈夫嘅烏龍嬌妻,子女嘅傻瓜媽咪,千姿百態,此生無憾。」畫面及對白均十分催淚。

不少網民看畢該場戲後大呼感動,更有人將相關場口媲美影后鮑起靜早前於《下流上車族》中的錄訊息獨腳戲經典場口,留言大讚:「祥哥錄音嗰場戲好勁,同鮑起靜下流錄音場戲有得揮」、「視帝黎做得相當好,做到好似普通人死老婆嗰種無奈同傷感,其實好高難度」。

朱仔朱敏瀚談到能夠近距離直擊祥哥神級演技,他受訪時大讚祥哥好厲害:「一聽佢錄音就開始嚟料(想喊),演呢套劇特別之處,係啲感情唔可以去得太盡,要點到即止。所以我喺現場就咁做咗一個抹眼淚嘅動作,唔容許自己喊得太勁,反而咁樣個感覺更加乸住乸住!」

最新影片推介:

撰文 : TOPick柴犬出動