【新聞王子】兒子2年前才接受爸爸逝世　鄧景輝遺孀：丈夫決定是出於愛

育兒資訊

發布時間： 2022/12/25 18:16

熱門歐國盃攻略香港小姐2024 藥物百科名校專區超市大搜查家族榮耀之繼承者高才通到校服務會員有獎 Executive Mommy

▲ Connie表示看著仔仔長大，這7年過得很快。

新聞王子鄧景輝7年前墮樓身亡，日前資深傳媒人陳圖安的電台節目《安哥同學會》邀請到鄧景輝的遺孀Connie接受訪問，昨日12月24日正是鄧景輝離世7周年的日子，Connie表示：「鄧景輝離開我哋7年喇，相信佢好開心，今日呢個日子同安哥你坐喺度傾偈懷念一下佢。呢7年對我嚟講時間過得好快，睇住我個仔每日成長，由當年9歲而家已經16歲，真係好快！」

最新影片推介：

有「新聞王子」之稱的前亞視新聞主播鄧景輝7年前墮樓身亡，終年51歲，當年有指是他欠下債務不堪壓力有關，而他遺下太太及當時只有9歲的兒子謙謙。

現年已經16歲的謙謙，Connie表示已經長高過爸爸，很乖很懂事，成績也ok，她透露兒子在2年前才接受爸爸離世：「頭幾年我都唔清楚，直至呢兩年佢話番畀我知，之前佢唔想喺同學仔面前講起爸爸，但而家佢已經ok，接受咗，我覺得係一個轉變，佢話：『我可以話爸爸係邊個，同埋話畀人知爸爸發生咩事！』佢真係好懂事。」

半年內經歷兩摯親離世

而經過7年的時間，Connie已經走出喪夫之痛，她多謝家人和愛錫她的朋友，

我媽媽多年前已經離世，先生走咗之後半年，爸爸就走咗，家姐同姐夫就好似扮演我爸爸媽咪嘅角色咁，好幫我同我個仔，就算而家呢個階段，我家姐都不時輔導同陪伴吓囝囝，屋企人支持好緊要。

對於當日鄧景輝自殺的決定，Connie說：「根本我諗唔到點解會咁樣，而家回想起，佢出事前一晚其實發生好多事，佢突然叫我家姐帶走個仔，而佢成個月都情緒唔太穩。當時我喺北京做緊嘢，主動打畀佢阿哥同家姐，叫佢哋第二朝去睇一睇佢，但...件事發生得好快...」

她當時即時由北京趕最快的航班返港，孩子由家姐照顧，「由朝等機返香港到夜晚我已經喊晒，我唔識講，我唔會問點解，當刻最重要係我個仔，件事已經發生咗，我就要即刻諗解決辦法。個仔好叻，佢好多嘢都好明白，佢就算喊都係因為我喊。」

沒有責怪丈夫

Connie認為景輝有這個決定是出於愛，「當時情緒病未係咁普及，大家都冇太深究呢個問題，引發咁多事，佢係錫我哋屋企人，佢知道自己未必可以過到呢關，所以揀咗呢個做法，佢知我堅強可以Handle到，所以我從來冇怪過佢！」

喪夫後又失業

Connie在丈夫出事後臨危不亂，加上身邊的好友幫忙，她一心只想盡快完成喪禮，將悲哀簡化。原本是空姐的她兩年前面對港龍結業，突然失業的她是再次面對人生低潮，「當日係冇人知發生咩事，我都係睇新聞先知發生咩事，冇任何蛛絲馬跡，大家估計係裁員，冇諗過成間公司冇咗，我做咗咁多年，好傷心係唔捨得所有人。幸好失去工作前，朋友叫我考定個保險牌，我做咗保險業，後來同朋友喺赤柱開咗間店賣有機食品。」在節目的最後，Connie不忘向大家祝福節日快樂，更以自身經歷鼓勵女性，「希望所有女性朋友知道，臉上自信、內心善良、骨氣同堅強，呢四樣嘢係每個女性都應該有。」

▼點擊圖片放大