【娛圈緋聞】張天賦直言最初難接受花邊新聞 MC:點解要咁有戒心呢?

娛樂 13:21 2023/01/05

分享:

分享:

MC張天賦接受DJ艾力訪問。

《全民造星II》亞軍張天賦(MC)的唱功備受讚賞,日前於叱咤頒獎典禮上奪得兩獎。不過,MC自出道以來最受網民關注的都離不開「超市事件」等花邊新聞。

即將開處男紅館騷的MC,接受DJ艾力的訪問,首度提到他對花邊新聞的感受,他又有否受「超市事件」影響?

【This is MC】張天賦踏紅館開騷感覺夢幻 MC未因外間評語影響自己

曾對花邊新聞感難接受

MC被網民指在2021年的平安夜,與曾合作《時候不早》MV的鍾卓穎於(Ash)黃埔某超市購物,可是其實此照片影得不太清楚二人的樣子,但網民用平時衣著打扮斷定相中人是Ash與MC張天賦,引起軒然大波。

後來MC再爆另一緋聞,被指疑約會《反對無效》MV女主角陳濬樺(Santis)。

在接受DJ艾力的訪問當中,MC直認當初很難接受花邊新聞:「因為一定有好多好難聽嘅說話,呢個係成長過程喺娛樂圈,係必經階段。有人話你有新聞價值,好多人講你好過冇人講你,漸漸地去改變呢個心態。」

點擊圖片放大
+6
+5

被公司下令禁女色?

在傳出緋聞後,MC與Ash、Santis未有再合作,而MC的部份MV依然有女主角,似乎公司也未有下「禁令」?

艾力問到公司有沒有要求戒女色時,MC說:「對我有絕對嘅信任,亦都有一定嘅自由,呢個會係我喺出道以嚟到而家經歷過嘅事情之後,會有一個做法。」

《老派約會之必要》MV女主角是林熙彤(Hazel)。(IG圖片)

入行後想保持真實

轉眼間,MC已經正式出道兩年多,在娛樂圈奮力追夢的他,坦言最希望保持的是真實,「我本身份人好簡單,會覺得有幸仲係朋友,傾到兩句,食個飯,點解要咁有戒心呢?」

MC學習在在防範、做自己之間取得平衡,又要分清對與錯,並開始為自己訂立規矩。

MC獲得不少樂迷支持。(IG圖片)

MC續指自己自出道以來,做多很事都會被網民放大,「甚至視乎你有冇做錯嘅嗰把尺,佢哋會好因人而異,呢個係好難受嘅地方。」

他說:「我係真係做緊自己,我認為自己係普通人,過緊好普通人嘅生活,但係偏偏佢哋就覺得你做到呢個位就必須要要成為佢眼中、心目中諗嘅嗰個人。」他無奈地指:「冇得同全部人交代…好多時只能夠硬食。」

最新影片推介:陳煒專訪

精彩獎賞活動等您發掘:https://bit.ly/3ClEy1R

撰文 : TOPick柴犬出動