【結婚難題】月光族女友擬婚後辭職做少奶奶 港男擔心壓力大︰想旨意晒我養家

親子 13:23 2023/01/09

分享:

分享:

一名港男在網上大呻,其月光族女友打算婚辭職靠他養,令他對未來感到擔憂。

香港生活指數在全球名列前茅,家庭經濟壓力大。一名港男在網上發文訴苦,指女友是一名沒有儲蓄習慣的「月光族」,每月都會花光人工,卻打算在兩人結婚後辭職當少奶奶,令他不禁擔心結婚後會養家壓力大增,故徵詢網民意見。

該名港男日前在香港討論區以「女朋友諗住結婚之後辭職靠我養佢」為題發帖文,表示對婚後的生活感到擔憂,他形容女友「平時咩都無所謂」,但缺點是大花筒,每月會花光薪金,又沒有理財,是一名月光族,「對將來嘅規劃都旨意晒我」,想不到女友更打算婚後不再工作。

雖然我成日都話以後會養佢,亦都諗住娶佢。唔知係唔係因為我成日咁樣講,女朋友話諗住結婚之後就唔做嘢,辭職等我養佢做少奶奶。

或許平時只是說說,到殺到埋身就知驚。港男得悉女友的想法後感到擔憂,雖然兩人未打算生兒育女,但一份糧兩份使都有經濟壓力。

如果佢真係唔做嘢,咪日日遊水(手)好閒?得返我一個人掙錢但兩個人一齊使,養家嘅壓力真係好大。兩個人一齊為頭家努力唔係更好咩?

最新影片推介︰

網民︰你講過養佢嘛

有關帖文隨即引起網民熱議,有人認為女友的要求合理,「你講過養佢,難怪佢咁諗喎」、「結婚之後還要老婆工作那不如不結婚啦」;有網民則建議他應該盡快向女友坦白,「真係接受唔到就要當面同佢講」、「認真向佢表明老婆唔工作,以香港生活指數真係攪唔掂,仲要留錢退休」。

點擊圖片即睇網民意見︰

點擊圖片放大
+12
+11

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳