【婚攝勝地】替準新人影婚照故意撳停纜車　網民一個原因力撐婚攝公司

山頂白加道纜車站是婚攝熱點，被喻為山頂秘景之一。有網民近日分享一段山頂纜車閉路電視影片，見到有婚攝公司為影靚相，疑似故意撳停纜車擺拍。不過，大部分網民卻力撐婚攝公司的做法無問題。

最新影片推介︰

山頂白加道纜車站人流不多，是拍攝纜車的好地方，因此不少婚攝公司安排新人在此取景影婚照。網上流傳的CCTV影片是司機視覺，纜車在中途站被撳停，卻無人下車，片中聽到有兩名職員對話，可見纜車曾被撳停多次。

你留意下，我諗係結婚嗰條友撳呀，佢撳咗落去，我諗佢喺度影相。不過你都無辦法㗎啦，提一提你啫無嘢嘅。頭先嗰車都係呀，係佢撳㗎啦……喺度影相，係佢哋嚟啦。

▼點擊圖片放大

+10

+9

網民建議職員容忍一下

片段曝光後，大部分網民竟站在婚攝公司一方，認為有需要就可以撳鐘，纜車職員應該容忍一下，方便新人影婚照，「原來纜車預設係會飛站？需要按鐘才會停？」、「唔係故意，而係有需要為拍攝而按鐘。有人上落車，或有人影相，兩者同樣，都係一種需要。」

不過，都有網民批評婚攝公司的行為缺德，有需要婚攝就不如包起條纜車線全日任影，「咁樣不斷被人撳停，可能阻到下一班纜車開出」。點擊圖片即睇更多網民意見︰

▼點擊圖片放大

+6

+5

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級，TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」，更多教育升學資訊︰https://bit.ly/3a6HT6T

責任編輯︰王明芳