【開心速遞】炎明熹客串演《愛‧回家》 Gigi爭取集郵機會與劉丹合照

娛樂 13:15 2023/01/25

分享:

分享:

TVB處境劇《愛‧回家之開心速遞》在大年初五(1月26日)播出的一集將有《聲夢傳奇》人氣王炎明熹(Gigi)客串演出。

據知,Gigi在劇中將演回自己,更會在劇引發連串事件。

炎明熹客串《愛‧回家之開心速遞》演回自己。

《愛‧回家》鐵粉

對於首度獲邀「登陸」《愛‧回家》,Gigi坦言大感興奮,直認由小學已是捧場客:「有追開《愛‧回家》,時間許可,會準時8點鐘喺電視面前觀看,佢哋嘅內容會令到我睇完之後好開心,佢哋每集又會帶出一啲信息,我覺得好生活化。」

她直言稱:「呢個處境劇我係由細睇到大,小學時係《八時入席》,之後再到後尾有唔同系列。」

點擊圖片放大
+6
+5

炎明熹爭取集郵

Gigi又指,能與劇中角色真正合作,感覺既榮幸又夢幻:「真係不可思議,冇諗過以前甚至依家睇緊嘅劇,會有機會遇到佢哋(劇中角色),雖然有時喺TVB會遇到大家,但唔會真係話傾偈嗰種。」

她續稱,劇中最尊敬角色是丹爺,並爭取機會與對方合照:「我知佢做咗好耐《愛‧回家》。我好開心可以加入呢個大家庭,因為我見到佢哋好似屋企人咁相處,佢哋會互相叫對方阿爸、家姐或者阿妹,然後佢哋亦都好照顧我。」 

最新影片推介:黃子華何啟華楊偲泳專訪

送小朋友朱古力

另外,Gigi還大讚劇中道具相當像真:「我覺得有個好得意嘅地方,我一直以為新威龍廣場係一個真嘅廣場,然後Key個名落去,後來我知道原來係一個廠景,係特登搭出嚟,我覺得好神奇,同埋入面啲產品同店名都好得意,同嗰個𨋢真係好真。」

Gigi更透露希望日後能多點拍劇,因為她很喜歡和公司的幕後工作人員相處,皆因很有愛,Gigi說:「我一直好想拍劇,我覺得拍劇好有趣,我好鍾意同工作人員相處,拍劇時真係會經常對到大家,而佢哋真係非常之好,好似屋企人咁,所以我希望儲多啲經驗同能力後再拍劇。」

喜歡挑戰自己的Gigi,更笑言沒有特別想做的角色:「因為咩角色都想做。」說話內容充滿童真的Gigi,笑著訴說拍攝當日遇到兩名相當可愛的小朋友,並很高興對方提出合照要求。

Gigi當時還拿出兩顆朱古力氹小朋友開心,行徑與小朋友一樣可愛,興奮地說:「嗰日誤打誤撞帶咗兩粒朱古力,其實原本我係想試吓個味,因為冇食過,最後我就一人一粒畀佢哋食,啱啱好,Yeah!」


 

撰文 : TOPick柴犬出動