【分手抉擇】拍拖9年愛名牌夜蒲變懶散 港男後悔層樓寫女友名︰唔係理想老婆

親子 14:08 2023/02/03

分享:

分享:

有港男不想跟拍拖9年女友結婚,但擔心分手後,女友賣樓獨吞。

有關錢銀樓宇瓜葛令人頭痕,有名港男與女友拍拖9年,過往視女友為結婚對象,數年前置業層樓只寫女友名,首期供樓所有錢都是男方出。如今,港男有感女友只識扮靚去玩打卡放IG,大呻「根本唔係我理想老婆,我真係唔想咁樣對住佢一世」,但擔心分手連層樓都無埋,面臨人生交叉點。

女友非理想老婆

該名港男於上月29日(星期日)在「香港討論區」發帖,標題為「層樓寫左女朋友個名」,他想跟拍拖9年女友分手,但擔心被分身家失去層樓,求問網民意見。幾年前朋友介紹他一個筍盤,考慮到日後亦想置業,事主在趕急情況下落了女朋友名,而首期供樓所有錢都是男方付出,一齊同居,女友有時買日用品。男友直言︰

當初真係視佢結婚對象先會落佢名,想日後買多間再用自己名,有傾過將來,一同努力,結果只有自己努力,佢就名牌包包,扮靚食好嘢,返到屋企又對我呼呼喝喝,佢唔使返工就天光先瞓,瞓到夜晚先起身。

最新影片︰

擔心女友分手賣樓獨吞錢

港男力數女友好食懶飛,女友之前疫情很多時沒工開在家睡到下午,只有男方負責搵錢,女友亦常轉工,現時工作月入萬多元只夠自己用,只識扮到靚一靚去玩放上IG去飲酒。近兩年幾她經常夜蒲落club,放假常帶朋友上屋企開派對,一齊9年以前感情很好,但現時已對女友沒甚麼感覺。

我哋好早拍拖已經同居,冇晒激情,連搞嘢都冇搞,而家想分手又處理唔到層樓……已經聽過有人教佢,如果有咩事賤賣咗個單位,而家好似被人鏈住個春袋咁……

港男大嘆女友只想過「公主生活」,不想共同組織家庭,有傾過將來一同努力,結果只有他努力,女友又常跟朋友說他很有錢,「佢就名牌包包,扮靚食好嘢」。事主預測到即使他倆結婚,都是他一人儲錢供樓付生活開支,「根本唔係我理想老婆,我真係唔想咁樣對住佢一世」。

網民︰及時止蝕勿再拖

不少網民紛紛提供意見,有建議事主「及時止損」不要再拖,買了層樓最壞打算是一人一半,另有提及單位如果首期、月供都是事主提供,雖然單位擁有者的名字不是樓主,單位都應該屬於樓主,可找律師處理。有網民斥事主狠心,9年後才說不是理想老婆,「佢最靚嘅9年青春都俾咗你,你又點賠俾人?」等。更多網民意見如下︰

點擊圖片放大
+7
+6

分手會給數十萬予女友

港男自知層樓在女友名下很愚蠢,朋友更問他們何時結婚,有感「結婚仲要被攞正牌分身家就慘,搞到兩頭唔到岸」。他回應「浪費女友春青」的指控,他坦白說自己一樣付出9年,「如果一路拖住,到佢35、36我先話唔會結婚咁樣咪仲衰」。綜合網民意見,事主會跟女友傾談,或者說自己需要錢周轉賣樓,就算分手,他會給回數十萬予女友。

一涉及錢銀就比較麻煩,經一事長一智,我都當佢家人一樣,一路咁多年都好照顧佢。

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳