【吃貨橫掃曼谷】高海寧出埠被胸襲抽水 彭慧中慨嘆:唔想人哋唔記得我

娛樂 16:46 2023/02/27

分享:

分享:

高海寧拍旅遊節目被「吹水」。

由3位女神高海寧(高 Ling)、彭慧中、陳星妤,以及林澄光(Michael)主持的旅遊節目《吃貨橫掃曼谷》,近日正在播映中。當中宅男女神彭慧中於節目中大派福利,鏡頭前大解放全裸浸浴,令向來被網民力捧的彭慧中頓成焦點。

於今晚(2月27日)播映的《吃貨橫掃曼谷》內,彭慧中向高Ling吐心聲,入行12年的她直言事業停滯不前。

【吃貨橫掃曼谷】彭慧中VS陳星妤水著大激鬥 高海寧休戰體驗頌缽療法

彭慧中陳星妤玩冰火交融

節目裡,彭慧中跟陳星妤去曼谷酒店歎罕有的土耳其浴,二人先躺在暖笠笠的大理石上接受擦背按摩,之後遊走於由喜瑪拉雅山岩磚砌成的桑拿房,及零度以下的冰房之間,兩位靚女大玩冰火交融。

點擊圖片放大
+5
+4

彭慧中遭猩猩強吻

當中擁34D火辣身材的彭慧中穿上白色兩件頭泳衣,身型相當吸睛,只見她閉上眼嘆SPA,一面享受。

另外三位女主持跟林澄光到曼谷Safari World,與大班野生動物零距離接觸。高 Ling、星妤及彭慧中分別跟極具演藝細胞的猩猩上演求愛大作戰,當中以彭慧中表現最大膽,與猩猩齊齊伸脷影合照。

彭慧中事後說:「隻猩猩明星真係超級勁,一嗌roll機即刻入戲,起碼錫咗我20啖,一cut機即刻擰歪面唔理你!」另外,高Ling被猩猩從後索吻,更不覺意「胸襲」女神。

點擊圖片放大
+10
+9

「少年食神」最驚青

此外一班主持先去餵飼為食長頸鹿,彭慧中直言未試過這麼近距離觀看長頸鹿,高 Ling更幫長頸鹿剝埋香蕉:「佢地今日好斯文,因為我喺南非餵過一次,可以用猴擒嚟形容,佢用條脷捲住你隻手,直至食晒你手上嘅嘢,先肯放你走。」

星妤是3人當中最為害怕,但也不及Michael驚青,Michael坦言自己真係驚,並自嘲「龐大身形,弱小心靈」,結果因企到離行離迾遞香蕉令長頸鹿幾乎吃唔到,遭高 Ling直斥「冇鬼用!」

點擊圖片放大
+4
+3

高Ling:我都有年半冇做過嘢

節目中,高Ling還邀請了彭慧中到由1940年代建築改建而成的精品酒店共晉午飯,其間高Ling向彭慧中進行大逼供,高Ling一來便開門見山:「我見到網上有人話覺得公司爭你一個交代,你覺唔覺?」

高Ling並指覺得彭慧中值得在事業上擁有更多,更大讚彭慧中勤力:「例如今次你知道我哋去邊,會事先上網做晒功課,等去到現場多啲嘢講,我好欣賞你呢樣嘢。」

最新影片推介:龔嘉欣專訪

彭慧中聞言亦快人快語回應謂:「好多人都係咁講,我都覺。」不過語畢,彭慧中即補充指其實只係「爭咗啲嘢」,當中包括機會:「都成12年喇,我真心講句,我覺得自己事業停滯不前。我唔想人哋唔記得我,好容易咋嘛。」

高 Ling聽畢即大為感觸,並強忍淚水謂:「我好明白,我都有年半冇做過嘢,啲人喺街度都會話『高Ling好耐冇睇過你嘅電視劇』。」

精彩獎賞活動等您發掘:https://bit.ly/3ClEy1R

撰文 : TOPick柴犬出動