【ChatGPT時代】巴黎春夏時裝周大玩高科技 品牌Coperni出動機械狗幫Model換衫

休閒消費 13:12 2023/03/06

分享:

分享:

時裝界都講究日新月異的科技,今個巴黎時裝周(2023FW)就有時裝品牌大玩科技。

最近IT界繼Big Data後又吹起ChatGPT風, 中文解作「聊天生成型預訓練變換模型」,簡言之即係一種人工智慧聊天機器人程式。見唔少朋友玩過,成效同星爺一樣,都係博君一燦,但唔難否定科技不斷升級,OpenAI能力再擴充可完全「入侵」人類生活,就好似最近係2023 巴黎春夏時裝周,有時裝品牌Coperni把美國Boston Dynamics出產的「機械狗」放在了時裝騷上與模特兒互動!

呢隻名叫「Spot」機械人(官方表示不是狗狗)更會知道/等候指示和任務,在時裝騷上除了幫手除褸,更會乖乖一旁等候發落,並「企定定」遞上手袋同大褸,筆者睇完後相信好快會在某超級富豪的屋企或《璀璨帝國》出現!

    點擊圖片放大
    +7
    +6

另外,有「時尚科學家」美譽、日本時裝品牌ANREALAGE創辦人森永邦彥亦係巴黎時裝周「發光發亮」,講緊嘅係佢利用運用了人類的可見光和昆蟲可見紫外線光的差異,製作廿多套新衫,經過紫外綫一掃,一件大衣就會出現格紋、條紋、polka dot波點等等,筆者覺得呢個系列wearable同用途度高好多,起碼着住落夜場,增加話題性機會多好多!

記者:黃鑑江