張天賦推出第二張實體碟　MC罕露手臂晒7個造型

MC 張天賦今日推出第二張個人專輯《This is MC》實體碟，除收錄幾首街知巷聞的冠軍大熱作如《小心地滑》、《老派約會之必要》、《世一》，亦加入題材曲風迴異的新歌，更特別收錄情人節發佈的合唱版 《世一（不可一世）(feat. Kiri T) 》。

而專輯更有兩款封面設計，各配不同的歌詞海報，讓歌迷可以收藏不同面向的MC！

▲ 新碟造型。

《This is MC》數碼版在1月推出，雖然已過咗兩個月，到而家為止熱度依然未有減退。

在音樂平台Spotify同KKBOX上，呢張大碟由推出至今已七個星期一直雄據專輯榜冠軍位置，新專輯全部十首歌都打入年度累積榜，成績驕人！

MC 專輯中做了很多新嘗試，無論題材、曲風、形象等，所涉獵的都比第一張專輯更為廣闊，務求不斷為聽眾帶來新的刺激和感受。

專輯裏面有多達7個造型，MC更罕有露出手臂，他逐一介紹：「有打機嘅我、彈結他嘅我、著背心嘅我、著西裝嘅我⋯⋯我覺得咁多個加埋一齊先至係一個完整。」

最新影片推介：林景程專訪