【請1日假去旅行】何沛珈除罩剝褸大解放 李芷晴被猛男圍:隻手都濕埋【多圖】

娛樂 17:21 2023/03/15

分享:

分享:

TVB旅遊資訊節目《請1日假去旅行》本周播出的「曼谷篇」,由《香港小姐再競選》分別獲得冠軍及亞軍的何沛珈(Roxanne)及李芷晴(Stephanie)齊齊出發任主持。

明晚(3月16日)的《請1日假去旅行》,Roxanne、Stephanie一到達曼谷即除口罩、剝大褸實行大解放。

何沛珈與李芷晴一到達曼谷即除口罩、剝大褸大解放。

【請1日假去旅行】何沛珈李芷晴曼谷鬥騷身段 戒口以最佳狀態派福行【多圖】

何沛珈李芷晴泰國扮學生

是集呈現的行程相當豐富,其中一站是到猛男餐廳食好嘢,當日正日生日的Stephanie獲Roxanne和製作組送上驚喜,Stephanie被一堆猛男「圍攻」跳舞,兩位靚女更被猛男捉手仔摸胸肌,Roxanne笑言:「佢哋好濕,因為啲汗,搞到我隻手都濕埋!」

不喜歡太刺激,節目亦有悠閒推介。穿上泰國大學校服的Roxanne和Stephanie去到當地著名學府朱拉隆功大學打卡,再排隊幫襯米芝蓮推介的海鮮媽媽麵。

兩人齊齊穿上學生制服,充滿青春校園劇feel。

Stephanie事後受訪時笑言:「原來泰國嘅大學生要着校服,感覺好得意、好青春,之後再拍一啲Mood Shot,好似拍緊青春校園劇!」

Roxanne則笑言:「好多年冇着過校服,好有重拾青春嘅感覺,之後同芷晴喺校園走嚟走去,就諗起中學時期我都有個好好嘅閨密,去到邊都好似孖公仔一齊。」

點擊圖片放大
+8
+7

森林Café泛舟河上

兩位靚女亦齊齊穿上泳衣,於酒店泳池和陽光玩遊戲,大晒Fit到漏身材。

之後,兩人到商場推介泰國潮牌泳衣,除款式多多兼價錢不算太貴外,該款潮牌泳衣最大賣點,是泳衣着重腰身設計、突顯女性的曲綫,令自認有選擇困難症的Stephanie難以抉擇。

最新影片推介:林景程專訪

兩人另外還到了一間森林Café打卡,該Café最大特色是可以撐船仔泛舟河上,相當過癮;雖然鏡頭前畫面看似唯美,但其實有苦自己知,Stephanie受訪時笑言:「一開頭以為可以好優雅咁撐船仔傾吓偈,點知我哋撐到身水身汗嗌晒救命,都幾難忘!」

這集最後一個推介行程是到飛機市集行街,兩位靚女一邊睇一邊着上身試穿,十足迷你花生騷;之後再去到由舊飛機改造而成的餐廳食Fine Dining,價錢只需2,000泰銖起,即約446港元,性價比相當高。

點擊圖片放大
+18
+17

精彩獎賞活動等您發掘:https://bit.ly/3ClEy1R

撰文 : TOPick柴犬出動