《死屍死時四十四》於大阪亞洲電影節世界首映　何爵天黃又南赴日本與觀眾見面

由《正義迴廊》導演何爵天執導的港產黑色喜劇電影《死屍死時四十四》，成為第18屆《大阪亞洲電影節》開幕電影，影片在昨晚（3月15日）於大阪當地作世界首映，導演何爵天和演員黃又南親往大阪與當地觀眾見面。
 
導演何爵天在出席首映表示：「好高興可以成為大阪亞洲電影節開幕電影，亦都好高興死屍死時四十四可以成為電影節開幕電影同日本嘅觀眾見面。」

他續指：「我都係第一次同觀眾一齊睇呢一套戲，大家反應比我想像中熱烈，有一啲笑位，我以為係香港觀眾先會明白，但係原來日本嘅觀眾都好鍾意，呢個係我完全估唔到嘅同埋真係笑足全場，我同又南都非常開心。」

至於在完場後，獲不少觀眾索取簽名及邀請合照的又南則稱：「現場氣氛好好，觀眾好熱情。」

又南更指：「睇完戲都有好多觀眾搵我同導演合照同簽名，有觀眾仲拎我第一套演出電影嘅碟俾我簽，又叫我哋多啲去日本，好開心。」
 
最新影片推介：林景程專訪

 精彩獎賞活動等您發掘：https://bit.ly/3ClEy1R