【港人移民】移加港人嫌生活太平靜欲回流 自嘲奴性太重居住環境壓抑:平靜到有內疚感

親子 10:49 2023/03/21

分享:

分享:

有港人移民加拿大後,發現唔適合自己,都係打開回流返港。

近年移民潮加劇,本港人口連續3年下降,英國、加拿大是港人熱門移民國家,尤其是加拿大自2021年推出「救生艇計劃」,讓港人能透過讀書或工作獲得永久居民身份(PR),再申請成為加拿大公民。

不過昨日(20日)有已移加的港人上網呻「打算喺加拿大回流香港」,因他嫌當地生活太平靜,生活環境同文化等都麻麻地,甚至反感,「無可否認香港已經變晒,但去完後我唔鍾意加拿大。」

最新影片推介:

該移加港人昨日(20日)在連登討論區上發文,主題是「打算喺加拿大回流香港」,他自稱是「self-employment」(自僱人士),回流返港有好多唔同的原因,但最主要是同家人關係太好,父母不會搬而他又不會掉低他們,其次是生活環境及當地文化,

生活環境同當地文化等,我都麻麻地,可能有人會鍾意,但我冇感,甚至反感。

港人續指香港已經變晒,當年移民也是這個原因離開,但嘗試過才知道香港比較適合自己,

覺得香港已經變晒,無可否認,我都係因為咁嘅原因而離開,但去完後亦都無可否認我唔鍾意加拿大,兩嚿屎唯有揀嚿食得舒服啲嘅屎……如果唔係可以點?

港人坦承自己能力唔大,亦都知道香港變晒,純粹係試完不同地方後,揀一個適合自己生活的,加拿大不太適合自己,

住得太peaceful,平靜到有內疚感,可能奴性太重……其實喺加拿大住得有啲壓抑,發現各方面唔係唔好,只係我唔鍾意,真心鼓勵大家去嘗試,你會更加認識自己嘅追求。

貼文一出,即引起熱議,有網民反問樓主個移民初心呢?「咁唔捨得當初就咪揀移民」、「2年就打倒自己,終於清醒」、「留喺度仲有咩意思,This's not HK anymore」,有網民指加拿大天氣太凍,唔適合長住。另有網民指樓主回流最好有屋/有錢/有工/有鋪,否則乞食。樓主即反問:「有邊度唔係咁?」

點擊下圖,睇更多留言:

點擊圖片放大
+7
+6

 

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯:王明芳